JOHAN 7:27 - PATHIAN LEKHABU THIANGTHO (BSI)

²⁷ Zia pa hi khoilam mi a hem ti I hechian tangal un; himaleh, Messiah chu a hung tak leh, kuama’n a hung kipatna hepua’n au, ti ahi ngal a,” a tiu a.

JOHAN 7:27 ပူးပေါင်းရင်းမြစ်များ

ISAI 11:1

Jesse bulsum hung sel intin, a zung ah kipat in bâk khat hung khangdok in a.

ISAI 53:8

Thudik ah vaihawm lona ziakin, pâmpai in a la um tai. A tu’nung thu ding kua’n a gêl sâm awm? Mihingte gam ah kipat sukmanthai in a um ta’n, ka mipite bawlkhialna ziakin, ama chu khet liam ah um ahi.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

JEREMIAH 30:21

A lalteu chu amau lak ah mi hi’ntin uh, a chung ua vaihawm dingte chule, a lak ua kipat hung pawt hi’n au; hun puinai ing ka tin, tichun, ama’nle ei hun nai in a; achutiloleh, kua a hem ei nai ngam ding? Lalpa‘n a tii.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

MARKA 6:3

Thingbawl thiampa leh Mari chapa Jakob, Josia, Juda leh Simon suapipa kha hilo a hem? A suapinute le zia hi um hilo a hiu em?” a tiu a, a lung uh a dam ta puai.

LUKA 4:22

A leng un ama a pakchau ah, a kamsuak hepina thute chu mak a sau a, “Zia pa hi Joseph chapa hilo a hem?” a tiu a.

JOHAN 6:42

“Ama hi Joseph chapa, Jesu kiti kha hilo a hem, a nu leh pale I hiau hilo a hem? Bangatileh, ‘Van ah kipat hung suk ka hi,’ ti thei a hem?” a tiu a.

JOHAN 7:15

Judate chun, zia pa hin lekha zil khalo ah, bangtidan ah zia gual ah hi lekha he ziang a hem? ti’n lamdang a sa ma mau a.

JOHAN 9:29

Pathian in Mosi kiang in thu a gen hi ti ka hiau hi, ahi’n, zia pa hi khoi ah kipat hung a hem ka hepuau hi,” a tiu a.

NASEPTE 8:33

Musit ah a um lai in a chung ah thu dik chu pom ahi puai. A suan khanggui thu kua a hem gen ta ding? Khawvel ah kipat in a hinna a lâkpiak tangal un,” ti hi.