JOHAN 6:70 - PATHIAN LEKHABU THIANGTHO (BSI)

⁷⁰ Jesu’n a dawnhu, “Nanghaw sawm leh nite hi keima hun têl hilo la hiu em? Ahi’n, la lak ua pakhat Diabol la hi zing ui,” a tia.

JOHAN 6:70 ပူးပေါင်းရင်းမြစ်များ

JOHAN 13:18

La leng ua thu ka gen ei puai, ka têlte chu ka hia’i; ahiziak in, ‘Ka vaithum nepa’n ka chung ah a keng khawtal a lâm tai,’ ti Pathian Lekha thu’n a gen kha a guitun theina ding ahi.

JOHAN 13:2

Chuleh, jan an a nêk lai un, diabol in Simon chapa Juda Iskariot lung sung in ama matsakna ding lungthim a la koi zo ta’n.

JOHAN 13:21

Jesu’n zia thute chu a gen lai in, a lunggim ma ma ah, kichian tak in a gen a: “Titakzet in ka hil la hiu, la lak ua mi pakhat in ei matsak ding la hiu,” a tia.

JOHAN 13:27

Zia vaithum hal kidia chu a nêk phatin, a sung ah Setan a lut ngal tai. Jesu’n a kiang in, “La hi’ ding chu vahi’ziang ta’n,” a tia.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

JOHAN 15:19

Nanghaw khawvel mi hileuchin, khawvel in ama mite chu hepi in a; khawvel mi la hita pawngal un, khawvel ah mi ka têldaw la hizawu ah, ziaziakchun, khawvel in a huat la hiu.

JOHAN 17:12

A kiang ua ka um sung khan, nang in kei lei piakte haw hi la min in ka vop pha tai. Amau haw hi ka vêng in, Pathian Lekha thu guitunna dingin mangthai chapa bep longal pakhat chale a mangthai puau hi.

JOHAN 2:2

Zia mo lopna chun, Jesu leh a nungzuite le a chial un.

JOHAN 20:24

Jesu a lak ua a kilâk lai khan Thoma, Diduma (piangkop) a tiu, sawm leh nite lak ah pakhat kha a la um pua’n.

JOHAN 6:64

Himaleh, la lak un khenkhat a gingcha theilo la um ui,” a tia. Jesu chun, a tîl ah kipat in a gin lo uh chu a hiatsa him ahi’n; ama matsak dingpa chule a he him ahi.

JOHAN 6:67

Chutichun, Jesu’n sawm leh nite kiang ah chun, “Nang hawle chia mang la nuam awm?” a tia.

JOHAN 6:71

Simon chapa Juda Iskariot chung thu kha a genna ahi’n; ama chu sawm leh nite lak ah pang hinapi’n, a mat gua pang ahi ngal a.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

NASEPTE 1:17

Ama chu I lak ua simkhawm ahi’n, zia nasepna hinle chan a nei hi,” ti in.

NASEPTE 13:10

“Nang mi thêmpa leh jakda um zosia ah dimpa, nang diabol chapa, dikna lam zosia mêlmapa, Lalpa lampi diktakte suksiat hi haisan lo ding la hi maw?

1 TIMOTHI 3:11

Zia gual ma chun a jiteu le mi titak, mi gensiat chîng lo, kisûm thei, bangkim ah ginum ahi diu ahi.

TITA 2:3

zia gual ma chun nupite le a umdan ua ja’um dingin, diklo tak ah mi lawttua lo dingin, zudawn chîng lo ding leh thilpha lam zilsaktu hi dingin thu hil inla,

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.