JOHAN 6:45 - PATHIAN LEKHABU THIANGTHO (BSI)

⁴⁵ Jawlneite Lekhabu khan, ‘Amau haw chu Pathian hil in um in au,’ ti’n zik ahi. Ziaziakchun, mitin Pa thu he ah, zil taphot chu ka kiang in a hung sek ui.

JOHAN 6:45 ပူးပေါင်းရင်းမြစ်များ

ISAI 2:3

Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

MIKAH 4:2

nam tam takte hung khawm in, “Hung un, Lalpa tâng tiang in, Jakob Pathian In ah chia to hitiu; a lampite chu I zuitheina ding leh, a lampi chanchin ei hiltheina dingin,” ti’n au. Zion ah kipat in gitlona hung pawt in, Jerusalem ah kipat in, Lalpa thu hung pawt ding ahi ngal a.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MARKA 1:2

Jawlnei Isai lekhabu ah chun: “Ngai in, ka sawlchâk la ma’n ka hun sawl a, ama chun la lampi a la sial masa ding ahi.

LUKA 1:70

masang lai pek ah kipat khan, zia thute hi a jawlnei thiangthote chu mang in, a la genlawk ta’n,

LUKA 18:31

Sawm leh nite chu a pui chuam ah, a kiang un, “Ngai tiam un, Jerusalem lam ah chia to ding I hiu a, jawlneite’n Mihing Chapa chung thu a la genlawk zosiau kha hung guitung ding ahi.

JOHAN 10:27

Ka belamte chun ka aw a hiau hi. Ke’n le amau chu ka hia’n, amau chun ei zui sek ui.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

JOHAN 6:65

Chun, ama’n, “Ziaziakchun ahi la kiang ua, ‘Pa’n a panpi lo chun kuama ka kiang ah hung thei pua’n a,’ ka ti kha,” a tia.

NASEPTE 13:40

Ziaziakchun, jawlneite’n a la gen zosiau kha la chung ua a tun lona dingin, chingthei tau in;

NASEPTE 7:42

Himaleh, amau chu Pathian in a kihei mangsan ta’n, van ah thil umte chu be dingin a pedok tai; jawlneite lekhabu’n zia gual hin a la kizik tai: Aw Israel Inkuante haw, gamthip ah kum sawmli sung kha, kei kiang ah gan that leh kithawi la hiu em?

EPHESA 1:17

I Lalpau Jesu Khrista Pathian, lopina Pa chu, ama hetna lam thu ah, pilna leh hiatsakna thagau a piak theina dingin.

PHILIPPI 3:15

Ziaziakchun, piting tapote chun zia gual lungthim chu nei hitiu; ahi’n la, lungdang pu’ I um tâk unle, Pathian in zia chule la kiang un hun taklang in a.

1 THESSALONITE 4:9

Ahi’n, suapite, hepina thu ah chun zik piak la ngai puau, kihepitua chiat dingin nangmau ngei Pathian in a hun hil tangal a.

HEBRAITE 10:16

“ ‘Zia ni te nung ah amau tawh ka thuthung ding chu zia hi ahi,’ Lalpa‘n a tii: ‘A lung sung un ka dante chu koi ing ka tin, a lungthim un zik ing ka’ ” a ti kha.

1 JOHAN 2:27

Nang uh vang, a sathau nu’na la chan uh chu nangmau ah a um zing ah, kuama zilsak la ngai ta puau hi. Ama sathau nu’na chun bangkim a hun hil ah, dik tak leh juau a hilo ziakin, zia chun a hun hil gual in ama ah um zing un.