JOHAN 6:40 - PATHIAN LEKHABU THIANGTHO (BSI)

⁴⁰ Chuleh, zia hi ka Pa doigual chu ahi, kuale Chapa mu ah, ama gingcha chun kumtuang hinna nei uh hen la; chuleh, nitawp ni leh ama chu keima’n kaitho leng,” a tia.

JOHAN 6:40 ပူးပေါင်းရင်းမြစ်များ

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 53:2

Ama chu tâng gawchâk ah thâichi no kek, zung thadok ah hung khangdok gual hi’ntin, vak etlâna ding ah mêl lat dan chuam bîk leh, za umna a nei pua’n; doichuam ahi’na ding ah mêl putdan chuam le, a nei puai.

KISIMNA LEKHABU 21:9

Tichun, Mosi’n sum-eng in gûl lim a siam ah, mol in a tâkdok a; bangtik hun ah le gûl in a chuk taphot in sum-eng ah gûl lim kisiam chu a et ua leh a damna ding un.

MATTHAI 10:15

Titakzet in ka hil la hiu, vaihawm ni ah chun, zia khawte sâng ah chun Sodom leh Gomorrah thok ding chu nêp zaw’n a.

MATTHAI 25:46

Tichun, ziate lawi chu kumtuang gawtna chun sawl ta’n tin; midikte chu vang kumtuang hinna chun lutsak ta’n au, a tia.

MARKA 16:16

Kuale a ging ah baptisma chang chu hukdam in um intin; himaleh, a ginglote chun thiamlo chang in au.

LUKA 2:30

la hukdamna chu ka mit ngei in ka mu tak ziakin;

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 10:28

Chuleh, a kiang un kumtuang hinna ka pia’n, bangtik chan inle mangthai pua’n au. Kuama’n ka khut ah kipat ei lâkpiak pua’n au.

JOHAN 11:24

Martha chun a kiang in, “Nitawp ni thawkit ni tak leh hung tho kit ding ahi ti ka hia’i,” a tia.

JOHAN 11:25

Jesu’n a kiang in, “Keima hi thawkitna leh hinna chu ka hi, ei gingcha taphot chu thi maleule hing zing in au;

JOHAN 12:45

Kuale keima ei mu chu, ei sawlpa mu ahi.

JOHAN 12:50

Ama thupiakte chu kumtuang hinna ahi ti ka hia’i; ziaziakchun, ka thugen taphot hi Pa ei hil gual ah ka gen ahi,” a tia.

JOHAN 14:17

Zia chu Thagau thutak ah um, khawvel in a mu lo leh a het lo ziak ah a la chan theilo kha ahi. Himaleh, ama chu la kiang ua um zing leh, nangmau ah chêngden ahiziak in la henau hi.

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

JOHAN 17:2

zia gual ah mi zosia chung ah thunei ah la siam khan, a kiang ah la piak tapote chu kumtuang hinna a piak theina ding in.

JOHAN 3:36

Kuale Chapa ging chun kumtuang hinna a nei tai; chuleh, kuale Chapa ging lo chun hinna mu pua’n tin, Pathian lungnatna chu um zaw’n a, a tia.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

JOHAN 6:27

an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

JOHAN 6:39

Zia hi ka Pa ei sawlpa doigual chu ahi, ama’n ei piak zosia chu, bangma matsua neilo in, nitawp ni leh kaitho zaw leng.

JOHAN 6:44

ka Pa, ei sawlpa chun a hîplo leh, kuama ka kiang ah hung theilo a hiu. Ahi’n, keima’n nitawp ni leh kaitho ing ka.

JOHAN 6:54

Kuale ka taksa hi ne’, ka thisan dawn chun kumtuang hinna a nei hi, zia mi chu nitawp ni phat leh kaitho kit ding ka hi;

JOHAN 8:56

La pau Abraham khan ka hun hi mu ding a la kithalawp ma ma ah; a hun mu ngei ah, a kipak ahi,” a tia.

ROMTE 5:21

Tichun, thina’n vai a hun hawm gual in, hepina chun, Jesu Khrista I Lalpau ziakin, kumtuang hinna lutna dingin dikna chun vai a hun hawm ta ahi.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

HEBRAITE 11:1

Ginna hi thil kinepnate um ngei ah hetna, thil I mu nailote hetchianna ahi.

HEBRAITE 11:27

Ginna’n lengpa lungnatna chu lau lo in, Aigupta chu a taisan ah, mutheilo Pathian chu a mu ziakin a thuak ham ham hi.

1 PETER 1:8

Ama chu mu lo maleu chun la hepiu a. Tu’hin mu lo maleu chun la ging ua, kipakna gen theilo khop ah lopi’n la kipak uh ahi.

1 JOHAN 2:25

Ama’n ei tiam piak chu kumtuang hinna hi ahi.

JUDA 1:21

Pathian hepina ah um zing unla, kumtuang hinna ah pui tung thei I Lalpa Jesu Khrista hepina chu ngâk zing tau in.