JOHAN 6:38 - PATHIAN LEKHABU THIANGTHO (BSI)

³⁸ keima doigual hi’ding ah van ah kipat hung ka hipua’n, ei sawlpa doigual hi’ding ah hung kum ka hizawi.

JOHAN 6:38 ပူးပေါင်းရင်းမြစ်များ

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

JOHAN 3:13

Kuama van ah kal to kha a um puau, van ah kipat hung sukpa, Mihing Chapa van ah umpa tilo ngal hi.

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

JOHAN 3:31

Chunglam ah kipat hungpa chu mi zosia chung in a um a; lei ah kipan chu lei ah mi ahi’n, lei lam thu a gen sek in; van ah kipat hungpa chu mi zosia chung ah mi ahi.

JOHAN 4:34

Jesu’n a kiang un, “Ei sawlpa dawi gual bawl leh, a na sep zaw hi ka an ahi.

JOHAN 5:19

Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

JOHAN 5:30

Keima’n ka thu thu’n bangma ka hi’thei puai. Ka het dan tak in vai ka hawm zaw sek hi; keima dawi gual gual ah ka bawl a hi’lo ziakin, Pa, ei sawlpa chun a ti dan dan in vai ka hawm zaw ahi; ziaziakchun, ka vaihawm chule a dik hi.

JOHAN 6:29

Jesu’n, “Pathian nasep chu zia hi ahi: a mi hun sawl hi gingcha leu chin,” ti’n a dawnhu a.

JOHAN 6:33

Pathian vaithum chu van ah kipat hung suk ah, khawvel â ding ah a hinna pepa hiding ahi,” a tia.

JOHAN 6:42

“Ama hi Joseph chapa, Jesu kiti kha hilo a hem, a nu leh pale I hiau hilo a hem? Bangatileh, ‘Van ah kipat hung suk ka hi,’ ti thei a hem?” a tiu a.

JOHAN 6:57

Pa hing chun ei sawl ka hiziak in, Pa ah hing ka hi; ziaziakchun, kuale ei ne’ chu keima ah hing ding ahi.

ROMTE 15:3

Khrista ngei inle ama kipakna ding mai a hawl pua’n; “Nangma hun hosiate hosiatna chu keima chung ah a chu tai,” ti zik gual ah khan.

EPHESA 4:9

(Aleh, mi leimun nuainung pen ah a kum suk masak zet lo chun, bangti’n “A chia to,” kiti thei ding a hem?

HEBRAITE 5:8

Chapa hilehle a thoknate ah chun thu awi dan a zil a.