JOHAN 6:33 - PATHIAN LEKHABU THIANGTHO (BSI)

³³ Pathian vaithum chu van ah kipat hung suk ah, khawvel â ding ah a hinna pepa hiding ahi,” a tia.

JOHAN 6:33 ပူးပေါင်းရင်းမြစ်များ

JOHAN 13:3

Jesu chun, Pa’n bangkim a khut ah a koi leh, Pathian ah kipat hung ahi’n, Pathian kiang ah chia kit ding ahi dante chu hezing in;

JOHAN 16:28

Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

JOHAN 17:8

nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

JOHAN 3:13

Kuama van ah kal to kha a um puau, van ah kipat hung sukpa, Mihing Chapa van ah umpa tilo ngal hi.

JOHAN 6:32

Ziaphatchun, Jesu’n a kiang un, “Titakzet in, ka hil la hiu, zia van ah kipat vaithum kha, Mosi hun piak a hipua’n, ka Pa’n van ah kipat vaithum tak chu a hun pia ahi.

JOHAN 6:38

keima doigual hi’ding ah van ah kipat hung ka hipua’n, ei sawlpa doigual hi’ding ah hung kum ka hizawi.

JOHAN 6:41

Keima hi van ah kipat vaithum hung suk chu ka hi, a ti ziakin, Judate chu a chung in a phun tau a:

JOHAN 6:48

Keima hinna vaithum chu ka hi.

JOHAN 6:50

Zia hi van ah kipat hung suk vaithum chu ahi, la nêk ua, la thilona ding un.

JOHAN 6:58

Zia hi van ah kipat vaithum hung suk chu ahi, la pu leh pateu in manna a nêk ua, a thi gual uh kha ahi puai; kuale zia vaithum ne’ hi kumtuang ah hingden ta ding ahi,” a tia.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.

1 TIMOTHI 1:15

Khrista Jesu chu migilote hukdam dingin khawvel ah hung ahi, ti hi taksan um leh pom tâk ahi. A lak ua gilo Chungnung pen chu keima ka hi.