JOHAN 6:27 - PATHIAN LEKHABU THIANGTHO (BSI)

²⁷ an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

JOHAN 6:27 ပူးပေါင်းရင်းမြစ်များ

SAM 2:7

Lalpa thupiak chu hun hil ding ka hi; ka kiang in: “Nang vâng ka chapa la hi; tu’ni ka hin la hi.

SAM 40:7

Ziaphatchun, keima’n, “Zia hin ka um hi; lekhabu zial sung ah chun ka chanchin zik a la hi.

THUPILTE 9:5

“Hung unla, ka vaithum hi hung neu inla, ka uain heltuaksa hile hung dawn un.

THUGENTU 6:7

Mihing sepgimna zosia hi a gawl â ding bep ahi’n; himaleh, a khop diak puai.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 55:2

An ah ngansia thei lo chawkna’n, bang ding ah dangka mang zo ah, bang ding ah lungkimna ding bawn, tut zo lo ding ah sêmgim la hiu em? Ka thugen hi pha tak in a la ngai unla, an pha chu hung neu inla, an tui tak ne’n kihilim tau in.

JEREMIAH 15:16

La thute chu mudaw a hita’n, chuleh, ka ne ta hen; tichun, la thute chu kei â ding ah, limna leh ka lungthim kipakna a hung hi. Aw Lalpa, sepai honte Pathian, la min ah ko ah um sek ka hi’ngal a.

HABAKKUK 2:13

Mihingte sepgimna chu meikuang â ding ah mangchom gual leh, namtin bangmalo mai ding ah sep gimsaktu chu, sepai honte Lalpa hilo a hem?

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 25:46

Tichun, ziate lawi chu kumtuang gawtna chun sawl ta’n tin; midikte chu vang kumtuang hinna chun lutsak ta’n au, a tia.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

MATTHAI 6:19

Lei ah nget leh tuiêk in a neksiatna, guchate’n a sukvan ua a gûk theinau ah hin la go uh khol kiu in.

MATTHAI 8:20

Jesu’n a kiang in, “Si-alte’n kua a nei un, chunglêng vachate’n le bu a nei ui. Mihing Chapa hin vang lu ngakna ding a nei puai,” a tia.

MARKA 1:11

Van ah kipat chun aw a hung pawt a, “Nangma hi ka Chapa dawi tak, ka kipakna ma ma chu la hi,” a hun tia.

MARKA 9:7

Ziaphatchun, amau haw lia in sûm a hung jing a, sûm lak ah aw gi chun: “Zia hi ka Chapa dawi tak ahi, ama thu ngai un,” a tia.

LUKA 3:22

Thagau Thiangtho chu vakhu gual in a chung in a hung chû. Van ah kipat aw hung pawt chun, “Nangma, ka Chapa dawi tak la hi, la chung ah ka kipak ma ma hi,” a hun tia.

LUKA 9:35

Chuleh, sûm lak ah kipat chun aw a hung pawt a, “Zia hi ka Chapa dawi tak chu ahi, ama thu ngai un!” a hun tia.

JOHAN 10:28

Chuleh, a kiang un kumtuang hinna ka pia’n, bangtik chan inle mangthai pua’n au. Kuama’n ka khut ah kipat ei lâkpiak pua’n au.

JOHAN 11:42

Keima hi lei la ngaitha zing hi ti le ka hia’i; ahi’n, zia mipite, ka kiang ah dingte ziak ah hin nang in lei sawl ka hi dan a hun taksan theina ding un, zia hi ka ti ahi,” a tia.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 15:24

Midang in thil a la hi khâk ngailote a lak ua hi’lo hileng chu, gitlona nei hipua’n au; tun ahileh vang chu, kei leh ka Pa chu ei mu tau in, huat le ei haw tau hi.

JOHAN 17:2

zia gual ah mi zosia chung ah thunei ah la siam khan, a kiang ah la piak tapote chu kumtuang hinna a piak theina ding in.

JOHAN 3:15

Kuale ama ging taphot chun mangthailo ah, kumtuang hinna a nei zawkna ding un.

JOHAN 3:33

Kuale a thu hiatsak a la pomte chun, Pathian chu dik tak ahi, ti a sudet tau hi.

JOHAN 6:40

Chuleh, zia hi ka Pa doigual chu ahi, kuale Chapa mu ah, ama gingcha chun kumtuang hinna nei uh hen la; chuleh, nitawp ni leh ama chu keima’n kaitho leng,” a tia.

JOHAN 6:47

Titakzet in ka hil la hiu, kuale keima ei gingcha chun kumtuang hinna a nei hi.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

JOHAN 6:53

Jesu’n a kiang un, “Titakzet in ka hil la hiu, Mihing Chapa taksa la nêk ua, a thisan la dawn lo ua leh, nang un hinna neilo la hiu.

JOHAN 6:54

Kuale ka taksa hi ne’, ka thisan dawn chun kumtuang hinna a nei hi, zia mi chu nitawp ni phat leh kaitho kit ding ka hi;

JOHAN 6:58

Zia hi van ah kipat vaithum hung suk chu ahi, la pu leh pateu in manna a nêk ua, a thi gual uh kha ahi puai; kuale zia vaithum ne’ hi kumtuang ah hingden ta ding ahi,” a tia.

JOHAN 6:62

Chuti ahileh, Mihing Chapa hi masang ah a umna ngai ah khan, a kal to mu leuchin bang la tiding awm?

JOHAN 6:68

Simon Peter in a hun dawnhu ah, “Lalpa, kua kiang ah chia ding ka hiu em? Nang in kumtuang hinna thute chu la nei hi.

JOHAN 8:18

Keima’n ka chung thu ka kigen in, ka Pa ei sawlpa chunle, keima chung thu ma a gen hi,” a tia.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 2:22

Nanghaw Israel mite haw, ka thugen hi a la ngai un: Nazareth Jesu, Pathian in a hetpi ngei kha, ama mang in Pathian in la lak un thil lopi takte, thilmakte leh tepte’nate a bawl ah, zia chu nangmau ngei inle la hiatsau ahi’n,

ROMTE 4:11

Tichun, zektanlo ah a um lai in, ginna’n dikna a mui ti tepte’na chu a chang in; zia dikna chu amau â ding ah guat a hi’na dingin; zektanlote lak ah a gingtute zosia pa a hitheina dingin.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

1 KORINTH 6:13

“An chu gilpi â ding ahi’n, gilpi chu an â ding ahi”; ahi’n, Pathian in hi’mangthai gêl gêl in a. Taksa hi tatsualna ding a hipua’n, Lalpa â ding ahi zawi; Lalpa chule taksa â ding ahi.

1 KORINTH 9:2

Midangte â dingin sawlchâk hilo lengle, nang uh â ding bêk in ka hi; Lalpa ah sawlchâk ka hi’na tepte’na chu nangmau hi la hiu hi.

2 KORINTH 4:18

Mutheite hilo in, mutheilote chu ka en zawu a; mutheite hi hun chomcha â ding ahi’n, mutheilote chu kumtuang â ding ahi ngal a.

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

DAN LEKHABU 30:13

ahiloleh, tuisuagiat gâl lam ah um, “Ka het ua, ka zui theina ding ua tuisuagiat gâl lam ah kua a hem va gâlkâi ah ei va lâkpiak ding?” la tiu le ngai talo ahi.

PHILIPPI 2:13

A lung lam sêm ding ah sepnopna hun pepa chu Pathian ahi ngal a.

KOLOSSA 1:29

Zia ding ziak ah hin, ama’n ei suk-hatna dungzui ah kimang in, gim tak ah sêm in, ka kihabawl ma ma hi.

KOLOSSA 2:22

Ziate chu I mat zaw leh mangthai ding ahi; mihingte thupiak leh thugin mai ahi.

KOLOSSA 3:2

chung lam ah thil umte ah chun la lungthim uh nga’n, lei ah thil umte chun kinga ta kiu in.

1 THESSALONITE 1:3

I Pa Pathian leh Pa ma ah chun, ginna ziak ah la thilhi danteu, hepina ziak ah la sepgim danteu leh, I Lalpau Jesu Khrista ah kinepna ziak ah la thok-hatnateu chu ka hezing ui;

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

HEBRAITE 12:16

Mithanghuai a hem, Esau gual ah Pathian jalo hung um kha’n lau; ama chun a cha upa hi’na chu an khatvei nêk in a khawng a,

HEBRAITE 4:11

Ziaziakchun, zia cholna chu lut dingin phatchuamngai tak in sêmgim hitiu; chutilochun, a ginlo ziak ua pûkte gual ah khan, kua a hem a la pûk kha’n lau.

JAKOB 1:11

Nisa a hung suak ah, a satna’n loulai a hun kâng vuai ah; a pâkte chu a pultha’n, a hoinate chu a bei sek hi. Mihausa chule zia gual tho chun, hinkhua buaina lak ah a um zing lai un vuaitha ding a hiu.

1 PETER 1:24

“Mitin hi hampa gual bep a hiu a, a lopinau zosia le hampa pakcha gual bep ahi. Hampa chu a vuai ah, pakcha chu a pul mai sek hi;

2 PETER 1:17

Ama chu, Pa Pathian ah kipat in choihoina leh lopina nasa tak a mu lai in, zia gual aw hi a kiang in a hung tung a, “Zia hi ka Chapa doitak, ka kipakna pen chu ahi,” ti in.