JOHAN 6:12 - PATHIAN LEKHABU THIANGTHO (BSI)

¹² A hung vâ chiat phat un a nungzuite kiang in, “A nêkbang uh kha hun luak khawm kit un, bangma a mangthai umlo dingin,” a tia.

JOHAN 6:12 ပူးပေါင်းရင်းမြစ်များ

NEHEMIAH 8:10

Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

NEHEMIAH 9:25

Tichun, kul nei khawpite leh gam hausa tak chu a lau ah, thuamthil chitin ah dim, tuikhukte, grep huante, Oliv huante, nêk sên lo theiga kungte leh a Inteu chu a lua tau hi; tichun, nevâ in, a thau zo tau a, la thilpha chitin piakte chu kinoptelna’n a mang tau hi.

THUPILTE 18:9

Nasep thadâ chu mi gawt mangthaipa suapi ahi.

LUKA 1:53

Gilkial chu thilpha’n a hitai in; mihausa chu khutngawn in a sawl mang tai.

LUKA 15:13

Chomkhat zaw in, a chapa neuzaw chun a chan ding zosia lakhawm in, khual gamla tak in a chia ta’n; kinoptel tak in a um ah, a nei zosia chu a sumang zo tai.

LUKA 16:1

Chuleh, Jesu’n a nungzuite kiang in zia gual hin a gen a: Mihausa kua a hem pakhat a um a, a sepkolpa khut in a nei zosia a etkol sak a; zia pa chun a nei leh lam etkolte chu a suchavai mai mai hi, ti ah hêk in a um ta’n.

LUKA 9:17

Tichun, a ne chiat un, a leng un a vâ chiat tau ah; a nêkbang uh chu bawm sawm leh ni a luak dim ui.

JOHAN 2:2

Zia mo lopna chun, Jesu leh a nungzuite le a chial un.