JOHAN 6:11 - PATHIAN LEKHABU THIANGTHO (BSI)

¹¹ Jesu chun, vaithum chu a lâ, kipak thu a gen zaw in, a nungzuite kiang in a hawm ah, a nungzuite chun mipi kichute kiang in a hawm tau a; zia gual ma chun sangate chule a doikhop chiat un a hawm piak tau hi.

JOHAN 6:11 ပူးပေါင်းရင်းမြစ်များ

MATTHAI 15:36

Vaithum pasagi leh sanga chu a la, kipak thu a gen ah, a phelsua ah, a nungzuite kiang in a pia, zia chu nungzuite chun mipi lak ah chun a hawm tau hi.

LUKA 24:30

An ne ding ah a chut lai un, vaithum chu a la a maljawl ah, a hun phelsua ah, a kiang un a pia.

JOHAN 21:10

Jesu’n a kiang un, “La sanga mat uh kha a khenkhat hun lau in,” a tia.

JOHAN 21:13

Jesu chu a hung ah, vaithum chu a la a kiang un a hawm ah, zia gual ma chun, sanga chule a hawm tai.

JOHAN 21:9

Tuipâm ah a hun kaidaw phat un, suangmeihol mei ah kitik leh, a chung ah sanga kihâimin leh vaithum a la um chu a muu a.

JOHAN 6:23

Ahi’n, Tiberia lam ah kipat in Lalpa‘n kipak thu a gen zaw ah, vaithum a nêknau mun kiangnai ah khan kuang pakhat a hung a.

JOHAN 6:9

“Zia tak ah hin pawsal naupang pakhat, barli bu vaithum panga leh sanga neucha cha pani nei a um in; himaleh, mi zia jat â ding hin bang kham hiding a hem?” a tia.

NASEPTE 27:35

Zia a gen zaw ah chun vaithum a la, a leng ua ma ah chun Pathian kiang in kipak thu a gen ah, a phel ah, ama’nle a ne tai.

ROMTE 14:6

Ni khat changtu chun Pathian lopina dingin a chang hi. Chuleh, a nepa chun Pathian kiang ah kipak thu gen in Lalpa lopina dingin a ne’n; a nelopa chunle Pathian kiang ah kipak thu gen in, Lalpa lopina ding ah nelo ahi.

1 KORINTH 10:31

Chutichun, la nêk unle, la dawn unle, la thil hi’ taphot uh chu, Pathian lopina ding bep in hiu in.

1 THESSALONITE 5:18

Bangkim in kipak thu gen zing un, zia chu nang mau lam ah Khrista Jesu jal ah Pathian lung lam ahi ngal a.

1 SAMUEL 9:13

Khawpi sung la lut phat ua leh, ama mu ding ah la vachia ziang lo ua leh thoimual ah an ne dingin a la chia man kha’n a. Ama a hung ah, maljawlna a dot piak masang sia, mipite’n ne thei lo ding a hiu; ziazaw chuleh, chial ah umte chun ne bep ding a hiu. Tu’hin chia to ngâl ziang un, la kimupi kintheina ding un,” ti’n a dawnhuu a.