JOHAN 5:26 - PATHIAN LEKHABU THIANGTHO (BSI)

²⁶ Pa chun ama ah chun hinna a nei hi; zia gual ma chun Chapa’nle hinna nei dingin a pia’i;

JOHAN 5:26 ပူးပေါင်းရင်းမြစ်များ

SAM 36:9

Nangma ah chun hinna tuikhuk a um ngal a; nangma vâk ah chun khawvak ka muu hi.

SAM 90:2

Tângte la siam masang leh, khawvel leh leilung la siam ma’nle, kumtuang ah kipat kumtuang tiang in, Pathian la hi.

PAWTDAWNA THU 3:14

Pathian in Mosi kiang in, “KEI CHU A UMZINGPA chu ka hi,” a tia. Israel mite kiang ah chun, “KEIMA kiti chun nanghaw kiang in ei sawl ka hi, ti’n gen in,” a tia.

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

JOHAN 1:4

Ama ah chun hinna a um in; zia hinna chu mihingte vakna ahi.

JOHAN 10:18

Kuama’n ei lâkpiak pua’n a, keima thu thu ka piak jawk ding ahi. Pia thei ka hi’n, la kitthei le ka hi. Zia thupiak hi ka Pa ah kipat ka mu ahi, a tia.

JOHAN 11:25

Jesu’n a kiang in, “Keima hi thawkitna leh hinna chu ka hi, ei gingcha taphot chu thi maleule hing zing in au;

JOHAN 11:26

chuleh, hing ah, keima ei gingcha chu thi ngai ta pua’n au. Zia chu la taksang em?” a tia.

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 4:10

Jesu’n a dawnhu a, “La kiang ah dawn ding ei pia’n, tipa leh, Pathian thilpiak chu he hilechin vang, ama kiang ah hin don zaw’n la tin, ama chun tuihing hun pia ding hive’n,” a tia.

JOHAN 6:57

Pa hing chun ei sawl ka hiziak in, Pa ah hing ka hi; ziaziakchun, kuale ei ne’ chu keima ah hing ding ahi.

JOHAN 8:51

Titakzet in ka hil la hiu, Kua’nle ka thu a zui chun thi ta pua’n a,” a tia.

NASEPTE 17:25

ama chu thil tâksap nei gual in mihing khut ah zen lum let ngai le ahi puai; ama chun thithei zosia kiang ah hinna, hiattheina leh thil zosia a piak ahi zawi.

1 KORINTH 15:45

Tichun, “Mi masa pen Adam chu mihing a hung hi tai,” ti zik ahi’n; Adam nunung zawk chu hinna pia thei thagau a hung hi tai.

1 TIMOTHI 1:17

Khang zosia ah Lalpen, thi theilo, muthei lo, Pathian pakhat bep kiang ah chun kumtuang in choihoina leh lopina um zing ta hen.

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

HEBRAITE 1:2

tu’hun nunung lam ah hin vang a Chapa in I kiang un thu a gen zaw tai; a Chapa chu bangkim golua dingin a têl ah, ama mang in Pathian in khawvel hi a la siam tai.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.