JOHAN 5:19 - PATHIAN LEKHABU THIANGTHO (BSI)

¹⁹ Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

JOHAN 5:19 ပူးပေါင်းရင်းမြစ်များ

THILSIAM THU 1:1

Pathian in a lim tak ah lei leh vânte a siam lai ah khan,

THILSIAM THU 1:26

Ziaphatchun, Pathian in, “I kibatpiu, eimau gual mêlpu’n mihing siam hitiu; amau chu tuisuagiat ah sangate chung leh, chunglêng vachate, gancha leh gamsa zosiate chung leh lei chung ah bokvâk zosia chung ah thu neisak hitiu,” a ti’n.

SAM 138:3

Ka hun ko ni ma ma in, nang in lei dawnhu ta hen; ka thagau hatna lei hipun piak tai.

SAM 27:14

Lalpa chu ngâk zing in; kisuhat inla, la lungthim chu kihânsak ta hen; ahi, Lalpa chu ngâk zing in!

SAM 50:6

Vante khin a dik zia a tâklang un, ama Pathian ngei chu vaihawmpa ahi ngal a.

PAWTDAWNA THU 4:11

Ziaphatchun, Lalpa’n a kiang in, “Mihing pau theina hi kua piak a hem? Kua’n ama chu pautheilo leh bengngong ah, mitvak leh mitthûm ah a siam a hem? Kei Lalpa hi ka hi pua a hem?

THUPILTE 2:6

Lalpa‘n zia gual mi chu pilna a pesek in, a kam ah kipat chun pilna leh, hetthiamna a hung pawt sek a;

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 45:24

Lalpa bep ah chun dikna leh hatna a um hi, ei hun ti ta’n tiu in; Keima do ding ah hil ah umte chu vang, ka kiang lam ah hung in, mualpho ta’n au.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

MATTHAI 26:39

Ama chu a vachia gamla chuam deu ah, bokkhup in a pauchap a, Aw he Pa, a hi’thei leh zia no hin ei pêl mai hen: himaleh, keima thu hilo in, nangma thu thu hizaw hen, a tia.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

JOHAN 10:18

Kuama’n ei lâkpiak pua’n a, keima thu thu ka piak jawk ding ahi. Pia thei ka hi’n, la kitthei le ka hi. Zia thupiak hi ka Pa ah kipat ka mu ahi, a tia.

JOHAN 12:49

Keima phuakkawm in thu ka gen puai, Pa ei sawlpa’n ka gen ding leh ka hil ding thu chu ei pia zaw ahi.

JOHAN 12:50

Ama thupiakte chu kumtuang hinna ahi ti ka hia’i; ziaziakchun, ka thugen taphot hi Pa ei hil gual ah ka gen ahi,” a tia.

JOHAN 14:10

Keima Pa ah ka um hi ti leh, Pa chu keima ah a um hi, ti hi hechian nai lo la hem? La kiang ua thu ka gente hi keima phuak kawm ka gen a hipua’n, keima ah Pa um chun, zia na chu a hun sêm zaw ahi.

JOHAN 2:19

Jesu’n a dawnhu a, “Zia tempul hi suchim leuchinle, ni thum sung in tungding kit ding ka hi,” a tia.

JOHAN 3:3

Jesu’n a dawnhu a, “Titakzet in ka hil la hi, mi chunglam ah kipat a pianthak lo chun, Pathian gam muthei pua’n a,” a tia.

JOHAN 5:21

Pa chun, mithile kaitho kit ah hinna a piak sek gual in, Chapa hinle a nop nop chu hinna a pethei hi.

JOHAN 6:38

keima doigual hi’ding ah van ah kipat hung ka hipua’n, ei sawlpa doigual hi’ding ah hung kum ka hizawi.

JOHAN 8:28

Tichun, Jesu’n a kiang un, “Mihing Chapa hi la hun khaikâng tak ua leh, kei hi ama chu ka hi ti hun he ta’n la tiu in; chuleh, keima thu bangma ka bawl lo dan leh, Pa’n ei thupiakte bep bawl sek ka hi dan hi hun hechian ta’n lau.

JOHAN 9:4

Sûn ahi pêtcha hin ei sawlpa na ka sep ding ahi: jan hiding ei tai, zia phat chuleh kuama’n na sêm thei ta pua’n au.

NASEPTE 2:24

Himaleh, ama chu thina’n a tûktân zaw ding gual ahilo ziakin, Pathian in thina kipat tandok in, a kaitho kit ta’n.

ROMTE 6:4

Ziaziakchun, a thina baptisma chang in ama tawh vui in I um un; chutichun, Pa lopina chun mithi lak ah kipat Khrista a kaithaw gual ma chun, ei hawle hinna thak ah I hintheina ding un.

ROMTE 8:11

Himaleh, mithi lak ah kipat Jesu kaithokitpa Thagau chu nangmau ah a um leh, mithi lak ah kipat Jesu kaithokitpa chun, nangmau ah um Thagau ah chun la taksau thithei chu hun hinsak kit in a.

1 KORINTH 15:12

Khrista chu thina kipat thokit ta ah gen in a um zo tangal in, bangtidan ah la lak ua khenkhat in mithi thawkitna a um puai ti thei la hiu em?

2 KORINTH 4:14

Lalpa Jesu kaithopa chun kei uh le Jesu ah chun ei kaitho intin, nang uh tawh a ma-âng ah ei dinsak ding ahi ti ka hiau.

2 KORINTH 5:10

Mi zosia’n taksa I thilhite, a sia a pha, I hi gual gual un I mu chiat theina ding un, Khrista vaihawmna chutpha man kilâk chiat ding I hiu.

EPHESA 2:5

I sukkhialnateu ziak ah thi I hi zing lai un, Khrista tawh kigual in ei suhing ta’n, hepina ah hukhin la hitau hi.

EPHESA 3:16

a lopina hau dungzui in a Thagau jal in, la sunggil lam ua chun thilhitheina’ suk-hat ah la umtheina ding un, ka pauchap in;

PHILIPPI 3:21

Ama chun bangkim a thunuai ah a umsak thei ziakin, I taksau musit um tak hile ama taksa lopi gual hiding in hun siam danglam in a.

PHILIPPI 4:13

Ei hi’hatpa Khrista jal ah chun bangkim bawlthei ka hi.

KOLOSSA 1:11

Kipak tak ah bangkim thuak-hat tak ah la umtheina ding un, a thilhitheina nasa tak ah kipat hung pawtdok chun, bangkim in hun suhat hen la,

KOLOSSA 1:16

Ama ah chun thil bangkim, van ah umte, lei ah umte, mu theite, mu theilote, lalchutphate tawh, thuneinate le, bangkim ama â ding leh ama ziak ah siam ahi.

1 THESSALONITE 4:14

Jesu a thi hen, a thokit tai ti I taksan ua chun, zia gual ma chun, Jesu ah ipmute chu Pathian in ama tawh kiton in hun pui ngei in a.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.