JOHAN 5:17 - PATHIAN LEKHABU THIANGTHO (BSI)

¹⁷ Himaleh, Jesu’n a kiang un, “Ka Pa’n tutiang hin na a sêm zing in, ke’nle ka sêm ahi,” a tia.

JOHAN 5:17 ပူးပေါင်းရင်းမြစ်များ

SAM 65:6

La tha hâtna’n tângte chu la phudet ta hen; hatna’n la tâi la gâk tai.

ISAI 40:26

La mit uh te sâng unla, en tiam un; zia zosia chu kua siam a hem? Amau siampa chun aksi honte a mal mal in a tiam ah, a min chiat un a ko hi; a hat ma ma ziak leh, a thilhitheina chungnun ziakin, pakhat chale a hi’khial puai.

MATTHAI 10:29

Vachong pani paisa khat in a khawng sek uh hilo a hem? Himaleh, a lak ua pakhat chale la Pau thu lo in lei ah ketha pua’n a.

JOHAN 10:36

Pa’n a se’chuam, khawvel ah ei sawl, ‘Pathian Chapa ka hi,’ ka ti ziakin bangatia Pathian la gensiai, ei ti’thei ding la hiu em?

JOHAN 14:10

Keima Pa ah ka um hi ti leh, Pa chu keima ah a um hi, ti hi hechian nai lo la hem? La kiang ua thu ka gente hi keima phuak kawm ka gen a hipua’n, keima ah Pa um chun, zia na chu a hun sêm zaw ahi.

JOHAN 5:16

Tichun, Judate chun Jesu chu Sabbath ni thil a bawl ziak ah chun, mat ah tha theina ding a hun ngaitua tau a.

JOHAN 5:18

Judate chun, sabbath ni a bawsiat ziak beple hilo in, “Ama leh ama Pathian gual ah kisiam in, Pathian chu ka Pa ahi, a tii,” a ti ziak un, tha a nuam deu deu un, a thalup theina ding chu a hawl zaw diak tau hi.

JOHAN 9:4

Sûn ahi pêtcha hin ei sawlpa na ka sep ding ahi: jan hiding ei tai, zia phat chuleh kuama’n na sêm thei ta pua’n au.

NASEPTE 14:17

tu’hin vang chu, ama chu a hetpi umlo in a kikoi ngai ta pua’n; thilpha a bawl zing in, van ah kipat gawtui leh a hun tin ah ga te, nêk leh châk leh kipakna’n I lungthimteu a hi’dim hi,” a tiu a.

NASEPTE 17:28

Ama ah chun hing in I tawi un, I khawsau ahi, ti leh; la La phuakteu pakhat inle, Eihaw hile a suanteu I hiu, tia a gen gual ah khan.

1 KORINTH 12:6

Sep dan chuam chuam le a um in, mi zosia ah bangkim ah sêmpa chu Pathian ahi.

KOLOSSA 1:16

Ama ah chun thil bangkim, van ah umte, lei ah umte, mu theite, mu theilote, lalchutphate tawh, thuneinate le, bangkim ama â ding leh ama ziak ah siam ahi.

1 THESSALONITE 2:13

Ziaziak hin, chawl lo in Pathian kiang in kipak thu ka gen sek ui: Pathian thu keimau ah kipat la het uh, la pom uh khan, mihing thu gual ah hilo in, Pathian thu ahi gual tak ah la pom ziak un; zia chu nanghaw a gingte sung ah sêm sek chu ahi.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.