JOHAN 4:36 - PATHIAN LEKHABU THIANGTHO (BSI)

³⁶ Buâtte chun a sep man a mu zo tau in; zia ban ah chun kumkhawtuang hinna ga chu lakhawm nalai ding a hiu, a tû’te leh a lakhawmte a kipak chiat theina ding un.

JOHAN 4:36 ပူးပေါင်းရင်းမြစ်များ

THUPILTE 11:18

Mi nunsia’n lawkna dik mu pua’n tin, ahi’n, dikna chî tute chun kipakman dik tak chu mu’n au.

THUPILTE 11:30

Midik ga chu hinna thing ahi’n; thagum sua chîngte chun hinna a lamang sek ui.

DANIAL 12:3

Mipil taphot chu van lam vakna gual in vâk ta’n tiu in, mi tam tak dikna lampi puilûtte chu, kumtuang kumtuang in aksite gual in vâk zing ta’n au.

MATTHAI 19:29

Kuale ka min ziak ah In a hem, a suapipa a hem, suapinu a hem, a nu a hem, a pa a hem, a ji a hem, a cha a hem, a gam a hem nusia chun, a le, za’n mu’n tiu in, kumtuang hinna chang in au.

JOHAN 3:36

Kuale Chapa ging chun kumtuang hinna a nei tai; chuleh, kuale Chapa ging lo chun hinna mu pua’n tin, Pathian lungnatna chu um zaw’n a, a tia.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

ROMTE 1:13

Suapite, Jentel dangte kiang ah ka sep ga ka mu tâk gual ah khan, nanghaw lak ah le ka mu theina dingin, la kiang un tamveipi hung ka gaw tai ti la het lo uh ka dawi puai; ahi’n la, tuchan hin dâl in ka um zing a.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

ROMTE 6:22

Tu’hin vang chu gitlo ah kipat pawt in, Pathian suakte la hung hiu hin, phatchuamna la muu chu sukthianthona ahi; zia tawpna chu kumtuang ah hinna ahi.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

1 KORINTH 9:17

Zia chu keima thu ah ka hi chun, kipakman ka nei hi; himaleh, keima thu ahiloleh chu sawl ah um hiding ka hi.

1 KORINTH 9:18

Ka kipakman chu bang a hem leh? A man bei ah Chanchinpha ka gen ah, Chanchinpha ah ka thuneina ka mat theina chu ahi.

1 THESSALONITE 2:19

I Lalpau Jesu hung phat leh ka kineppiu a hem, ka kipaknau a hem, ka lallukhuk suan uh a hem chu bang a hem? Nangmau hi hilo la hiu em?

1 TIMOTHI 4:16

Nangma leh la thuhil ah pilvâng tak in um in; zia thilte chu bawl zom zing in, zia gual ah la bawl chun nangma leh la thu ngaithate chu hukdam in um in au.