JOHAN 4:11 - PATHIAN LEKHABU THIANGTHO (BSI)

¹¹ Numei chun a kiang in, “He pu, tui khaidawna ding bangma la nei pua’n, zia tuikul hi a thûk ngal a; khoi ah kipat a hem zia tuihing chu la nei?

JOHAN 4:11 ပူးပေါင်းရင်းမြစ်များ

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JOHAN 3:4

Nikodem in a kiang in, “Mi a têk nung in bang ti’n piang kit thei ding a hem, a nu sung ah lut kit in hung piang kit thei ding a hem?” a tia.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

JOHAN 7:37

Kût pel ding ni, nipi pen ni chun, Jesu chu ding in, a kiko ta’n: Dangchâk taphot chu ka kiang ah hung hen la,

NASEPTE 10:14

Himaleh, Peter chun, “Hilo e Lalpa, thilbuak leh a thianglo ka ne ngai puai,” a tia.

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.