JOHAN 3:8 - PATHIAN LEKHABU THIANGTHO (BSI)

⁸ Huizang a nopna lam lam in a hâng sek in, a git la hiau in; himaleh, khoi ah kipat hung a hem, khoilam ah chia ding a hem ti la he puai; kuale Thagau ah piang chu zia gual chu a hisek hi,” a tia.

JOHAN 3:8 ပူးပေါင်းရင်းမြစ်များ

SAM 107:25

Ama’n thu a pia’n, thigawpi nasa tak in a hân sak a; zia chun tui kinawk sâng takte a umsak ngal a.

SAM 107:29

ama’n thigawpi a thipsak a, tuisuagiat kinawkte chule a daisak tai.

SAM 135:7

Ama’n kawlmong ah kipat in sûmte a chiatosak sek in; kawlphete gua â dingin a siam in, a koikhawmna mun ah kipat in, hui a hun nun dawsak sek hi.

THUGENTU 1:6

Simlam zuan in hui a nung ah, mallam tiang in a hung nungdok kit sek ah; a vêl vêl in hui a nung in, a hung kipatna ma a tung kit sek hi.

EZEKIEL 37:9

Ziaphatchun, ka kiang in, “Mihing, hui kiang ah chun zia gual hin thu gen in: Lalpa Pathian in zia gual hin a gen hi: Aw hui, kawl kil li kipat in hung unla; aw hui, zia gute hi a hung hin kit theina ding un zia mithiluangte hi hun mût in,” ti in.

JOHAN 1:13

Ziate chu thisan a hin ahi puau in, taksa dawi gual ah hinle ahi diak puau in, mihing dawi dan ah hinle ahi diak puau a, Pathian hin ahi zawu hi.

JOHAN 3:7

‘La pianthak ding ahi,’ ka ti hi maksa kin.

JOHAN 3:9

Nikodem chun a kiang in, “Bang ti’n zia thilte chu a hithei diam?” a tia.

NASEPTE 2:2

Thakhat in van ah kipat hui hât tak gi tawhbang a hung tung ah, zia chun a kichutna Insung uh chu a lua dim ta’n.

NASEPTE 4:31

A pauchap zaw phat ua chun, a kikhopkhawmnau mun chu a hung kilîng ah; a leng un Thagau Thiangtho in a hung dim tau a, hangsan tak in Pathian thu a gen tau hi.

1 KORINTH 12:11

Zia zosia hin Thagau pakhat ma chun mi zosia kiang in a nop gual gual ah hawm in a sêm sek hi.

1 KORINTH 2:11

Mihing lungthim chu mihing lunggil sung ah thagau ma ma lo chun kua a hem hethei ding? Zia gual ma chun, Pathian thilte chu Pathian Thagau panpi lo chun kuama’n a hethei puau hi.

1 JOHAN 2:29

Ama chu midik ahi ti la het ua leh, kuale dik tak ah thilhi tapo chu ama ah piang ahi ti hechian thei in lau.