JOHAN 3:35 - PATHIAN LEKHABU THIANGTHO (BSI)

³⁵ Pa chun Chapa chu a hepi hen, a khut in bangkim a pia tai.

JOHAN 3:35 ပူးပေါင်းရင်းမြစ်များ

THILSIAM THU 41:44

Zia ban ah chun, Pharaoh in Joseph kiang in, “Kei Pharaoh ka hi’n, nangma thulo in Aigupta gam sung ah hin kuama’n a khut leh keng lek thei pua’n au,” a ti’n.

THILSIAM THU 41:55

Aigupta gam sung pumpi chu a hung kial phat un, Pharaoh kiang ah nêk ding don in a kiko tau a. Pharaoh chun Aigupta mi zosia kiang ah chun, “Joseph kiang ah chiau inla, a gen tapo bawl mai un,” a ti tai.

SAM 2:8

Ei don in, tichun la gochan dingin, namtin hun pia’ng ka tin, kumkhua la nei den dingin siam ing ka.

THUPILTE 8:30

zia lai ah chun a kiang ah nasem hotu gual in ka la um ta’n; nisi’n in a kipakna ka hizing a, a ma-âng in kipak zing in, kei chule a kipakna ka hi zing hi.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

LUKA 10:22

Thil zosia ka pa’n ei piakdaw a hita’n, Chapa chu kua a hem, Pa tilo chun kuama’n a hepua’n; Pa chule kua a hem, Chapa leh a kiang ua chapa’n a puandawnate bep lo ngal chun kuama’n a hepuau hi,” a tia.

JOHAN 13:3

Jesu chun, Pa’n bangkim a khut ah a koi leh, Pathian ah kipat hung ahi’n, Pathian kiang ah chia kit ding ahi dante chu hezing in;

JOHAN 15:9

Pa’n keima ei hepi gual in, ken le nanghaw ka hun hepi ahi; ka hepina’n um zing un.

JOHAN 17:2

zia gual ah mi zosia chung ah thunei ah la siam khan, a kiang ah la piak tapote chu kumtuang hinna a piak theina ding in.

JOHAN 17:23

Kei amau ah, nangma keima ah la um gual in, amau pumkhat ah a hung bukim theina ding un; nang in keima khawvel ah lei sawl ahi ti leh, keima lei hepi gual ah amau le la hepi hi, ti a hettheina ding in.

JOHAN 17:26

La min chu ka taklang ta’n, hun taklang jel ding ka hi; hepina, nang in keima lei hepina ngei chu amau ah a umtheina ding leh, amau ah keima le ka um zing theina dingin, a tia.

JOHAN 5:20

Pa chun Chapa hi a hepi hen, ama’n a hi’ding zosia chu ama a hiatsak sek hi; ziaziakchun, zia haw sâng ah thil nasa zaw hile hun mu’n la tiu in, mak hun sa’n lau.

JOHAN 5:22

Pa chun, kuama chung thu a tan pua’n, bangkim Chapa khut in a nga zaw ahi.

1 KORINTH 15:27

“Pathian in bangkim a keng nuai ah a chotdensak tai,” ti ahi ngal a. “Bangkim a nuai ah chotden,” a ti hin bangkim a nuai ah chotdensakpa chu a huam puai ti a kilang hi.

EPHESA 1:22

ama’n bangkim a keng nuai ah koi in, ama chu bangkim chung ah kochuam luchang in a siam a;

HEBRAITE 1:2

tu’hun nunung lam ah hin vang a Chapa in I kiang un thu a gen zaw tai; a Chapa chu bangkim golua dingin a têl ah, ama mang in Pathian in khawvel hi a la siam tai.

1 PETER 3:22

Ama chu van ah chia in Pathian changlam ah a um a; vansawlchâkte, thuneinate leh thil hi’theinate chu ama thu thu ah umsak ahi tai.