JOHAN 3:34 - PATHIAN LEKHABU THIANGTHO (BSI)

³⁴ Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

JOHAN 3:34 ပူးပေါင်းရင်းမြစ်များ

2 LENGTE 2:9

A gâlkâi phat un, Elijah in Elisha kiang in, “La kiang ah kipat lakmang ah ka um masang in, bang hun bawl piak leng la nuam em ei gen in,” a tia. Elisha chun, “Lungsiat tak in la thagau chan a le’ni ei gosia in,” a tia.

SAM 45:7

dik tatna la ngaina’n, nunsiatna chu la huai. Ziaziakchun, Pathian, la Pathian chun la gualte khêl lam in, nasa tak in limna sathau a hun nu’ ta ahi;

ISAI 59:21

Chun, kei â dingin vang, zia hi amau tawh ka kikâl ua ka thuthung ding chu ahi, Lalpa‘n a tii: Tu’ ah kipat bangtik chan inle, la chung ah ka thagau um leh, la kam ah ka thu ka koite chu la kam ah kipat pawtdok ta pua’n tin, la chate leh la suan leh pâkte kam ah kipat chunle pawtdok ta pua’n ah, ti’n Lalpa chun a gen hi.

THIAMPUTE LEKHABU 7:35

Zia hi Lalpa â ding ah thiampu nasêm ding Aron leh a chate sathau nu’ a hiu ah kipat, Lalpa â ding mei ah thillat kilânte lak ah kipat a chantum ding uh chu ahi;

KISIMNA LEKHABU 11:25

Tichun, Lalpa chu sûm lak in a hung suk ah, a kiang in thu a hun gen ta’n; chuleh, a chung ah thagau khen khat chu a ladok ah, upa sawm sagite chung in a koi ta’n; chuleh, a chung ua thagau a um phatin thu a genlawk tau ah; ahi’n la, zia gual chun a gen kit ta puau hi.

MATTHAI 12:18

“En tiam un, ka nasemtu ka têlchuam, ka lungsiat leh a chung ah ka kipakna ma ma: ama chung ah chun ka Thagau koi ing ka tin, ama chun Jentelte kiang in ka vaihawmna thu chu puang in a.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

JOHAN 1:16

Ama bukimna kipat in hepi chung ah hepi sawnna I chang chiat ui.

JOHAN 15:26

Himaleh, Genpiakpa, Pa ah kipat ka hun sawl ding, thutak Thagau chu a hung tun phat leh, keima chanchin ma hi hun taklang ding ahi.

JOHAN 16:7

Abang chu hileh, thutak ka hun hil la hiu; ka chia mang ding hi nanghaw â dingin a phazaw ahi; kei chia mang lo leng Genpiakpa chu la kiang un hung lo ding ahi; himaleh, ka chia tak leh ama chu la kiang un hun sawl ding ka hi.

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

JOHAN 5:26

Pa chun ama ah chun hinna a nei hi; zia gual ma chun Chapa’nle hinna nei dingin a pia’i;

JOHAN 7:16

Jesu’n a kiang un, ka thugen hi keima thu ahi pua hen, ei sawlpa ah kipat a hizawi.

JOHAN 8:40

himaleh, Pathian ah kipat thu tak ka hiatte hun hil sek keima hi thâ lei guau hi. Abraham in vang zia gual chun a bawl ngai puai.

JOHAN 8:47

Pathian ah kipat hungte chun Pathian thute a ngai sek ui. Nanghaw hi Pathian ah mi la hilo ziak un, a thute le ngailo la hiu hi,” a tia.

NASEPTE 1:2

apostolte, ama têlte kiang ah Thagau Thiangtho ah a thupiak zosia a piak dan leh, lâk to ah a um ni tiang in, a leng in ka hun zik hi.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

ROMTE 8:2

Khrista Jesu ah hinna Thagau dan chun, gitlona leh thina Dan ah kipat chun ei pawtsak tangal in.

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

KOLOSSA 1:19

Ama ah chun Pathian bukimna chu kilung tuak tak in a um khawm tangal un;

KOLOSSA 2:9

Ama ah chun Pathian bukimna zosia chu taksa nei in a um zing ngal a.

THUPUAN 21:6

Chuleh, ka kiang in, “Zaw ahi tai. Kei Alpha leh Omega, a bul leh a tawp chu ka hi. Dangchâk tapo chu hinna tuinâk ah tui hi a thawn in pia’ng ka.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.