JOHAN 3:31 - PATHIAN LEKHABU THIANGTHO (BSI)

³¹ Chunglam ah kipat hungpa chu mi zosia chung in a um a; lei ah kipan chu lei ah mi ahi’n, lei lam thu a gen sek in; van ah kipat hungpa chu mi zosia chung ah mi ahi.

JOHAN 3:31 ပူးပေါင်းရင်းမြစ်များ

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

JOHAN 1:15

Johan in a chanchin a hiatsak a, “Zia mi, ka nung ah hung dingpa chun ei makhel tai, ka malam ah umsa him ahi, tia ka gen sek kha ama hi ahi,” a tia.

JOHAN 1:27

Ka nung ah hung dingpa kengtawdap khau tham tâkle hilo ka hi,” a tia.

JOHAN 1:30

Zia pa saw ahi, ‘Ka nung ah hung ding, himaleh, ei makhel ta hen, ka malam ah umsa him ahi,’ ka ti kha.

JOHAN 3:30

Ama chu hung pung deu deu intin, kei chu hung kiam deu deu ding ka hi.

JOHAN 6:33

Pathian vaithum chu van ah kipat hung suk ah, khawvel â ding ah a hinna pepa hiding ahi,” a tia.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

JOHAN 8:23

Ama chun, a kiang un, “Nanghaw nuai lam ah kipan la hiu ah, kei ka hileh vang chunglam ah kipan ka hi; nanghaw hi zia khawvel ah mi la hiu in; kei chu zia khawvel ah mi ka hi puai.

NASEPTE 10:36

Pathian in a thu chu Israel mite kiang in a hun tun ah, Jesu Khrista ah thamuanna thu a gen, ama chu mi tin Lalpa ahi, ti hi.

ROMTE 9:5

pu leh pate kha le amau â a hiu ah, taksa lam thu ah Khrista le amau lak ah kipat hung pawt ahi’n; ama chu thil zosia chung ah um ahi, kumtuang ah pâk tâk Pathian ahi, Amen.

HEBRAITE 9:1

Ahi’n, thuthung masa khanle, Pathian nasep dante leh mun thiangtho, zia lei chung ah munthiangtho chu a nei a.

1 PETER 3:22

Ama chu van ah chia in Pathian changlam ah a um a; vansawlchâkte, thuneinate leh thil hi’theinate chu ama thu thu ah umsak ahi tai.

1 JOHAN 4:5

Amau chu khawvel ah kipat a hiu in; ziaziakchun, a thugen uh chu khawvel ah kipat ahi’n, khawvel in a ngai nuam ui.

THUPUAN 19:16

A puan chung leh a malpi chung in min a kizik a, “LALTE LAL LEH HOTUTE HOTU,” ti in.