JOHAN 3:3 - PATHIAN LEKHABU THIANGTHO (BSI)

³ Jesu’n a dawnhu a, “Titakzet in ka hil la hi, mi chunglam ah kipat a pianthak lo chun, Pathian gam muthei pua’n a,” a tia.

JOHAN 3:3 ပူးပေါင်းရင်းမြစ်များ

JEREMIAH 5:21

Aw, mingol leh ngaituana beite haw, mit nei ngâl ah mulote, bil nei ngâl ah helote haw, zia thu hi ngai un:

EZEKIEL 36:26

Lungthim thak hun pia’ng ka tin, la sung ah thagau thak hun koi ta’ng ka; nangma taksa ah kipat suang gual ah tâk lungchang chu ladok ing ka tin, phe gual ah nêm lungchang khat hun pia ta’ng ka.

MATTHAI 16:17

Jesu’n a kiang in, Simon, Jonah Chapa, la hamphai! Taksa leh thisan in a hun hiatsak a hipua’n, van ah ka Pa’n a hun hiatsak ahi zawi.

MATTHAI 19:24

Zia hi ka hun hil kit hi: Mi hausa Pathian gam a lut sâng in sangawngsau pin bil hawm ah a lutthen a bailam zawi,” a tia.

MATTHAI 21:31

Aleh, zia pani’te chu a kua zawk chu a pa doigual bawl a hizaw diam? a tia. Amau chun, a masa zawkpa chu, a tiu a. Ziaphat ah chun Jesu’n a kiang un, Titakzet in ka hil la hiu, sedawlte leh nawchizuakte chun Pathian gam a hun lutsan tau hi.

MATTHAI 5:18

Titakzet in ka hil la hiu, Lei leh Van a manthai masia, Dan thu sutvom neucha a hem, zikvom neucha a hem, a leng ua a tunkim masang sia pakhat chale mangthai pua’n a.

MARKA 10:14

Ahi’n, Jesu’n zia chu a mu in a lungdam paw ma ma ah; a nungzuite kiang in, “Naupangte kha ka kiang ah hungsak un la, zada kiu in; Pathian gam chu zia gual mite â ding chu ahi ngal a.

MARKA 9:47

Chuleh, la mit in a hun hi’puk leh kheldok mai in; mit pani nei ah gawtmun mei mit theilo ah la chia sâng in, mit langkhat bei ah Pathian gam ah lut chu nang â dingin a phazawi.

JOHAN 1:13

Ziate chu thisan a hin ahi puau in, taksa dawi gual ah hinle ahi diak puau in, mihing dawi dan ah hinle ahi diak puau a, Pathian hin ahi zawu hi.

JOHAN 1:5

Zia vâk chu thim lak in a hung vâk in, zia chu thim in a zo puai.

JOHAN 1:51

Titakzet in ka hil la hi, tu’nung leh van kihong ah, Pathian vansawlchâkte Mihing Chapa chung ah kum suk leh kal to hun mu ding la hi,” a tia.

JOHAN 12:40

“Ama’n a mit uh a hi’thûm ah, a lung uh ahi tâk ah; a mit ua a mu lo ua, a lungthim ua a het thiam lo ua, a lung hei lona ding un, achutiloleh a la hi’dam kha ding ka hi,” a ti kit gual in.

JOHAN 3:4

Nikodem in a kiang in, “Mi a têk nung in bang ti’n piang kit thei ding a hem, a nu sung ah lut kit in hung piang kit thei ding a hem?” a tia.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

GALATIA 6:15

Kisiam thak kitna longal ah chun zektan hi bangma a hipua’n, zektanlo le bangma ahi diak puai.

EPHESA 2:1

Nanghaw le, la sukkhial leh gitlonateu ziak ah thi la hi’lai uh khan, a hun hinsak la hiu a;

DAN LEKHABU 29:4

Himaleh, Lalpa‘n tu’ni tiang hin ziate haw kha la hetchian theina ding uh lungthim leh, mu chian theina mit leh hettheina nakhangte a hun penai puai.

TITA 3:5

dikna lam ah I nasep dawteu ziak hilo in, tui ah silthianna leh Thagau Thiangtho ah siamthakna chun a jangaina dungzui in ei hukhing ta.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

1 JOHAN 2:29

Ama chu midik ahi ti la het ua leh, kuale dik tak ah thilhi tapo chu ama ah piang ahi ti hechian thei in lau.

1 JOHAN 3:9

Kuale Pathian ah piang chun, Pathian chi ama ah a um zing ziakin gitlo a bawl zing ta puai.

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.

1 JOHAN 5:18

Kuale, Pathian hinte chun gitlona a bawl zing ta puau hi, ti I hiau hi. Pathian ah piangte chu Ama’n a vêng zing ah, migilo in amau chu a khoi thei ta puai.

1 JOHAN 5:4

Pathian ah piang tapo in khawvel hi a nuaisia sek ngal in. Chun, khawvel nuaisia ah zawna chu zia hi ahi: I ginnau hi.

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi: