JOHAN 3:26 - PATHIAN LEKHABU THIANGTHO (BSI)

²⁶ Tichun, Johan kiang in a hung ua, “Rabbi, Jordan lui gâl lam ah la kiang ah hungpa, a chanchin la la hiatsak sekpa khan mi a baptis hen, ngaitia, mi zosia a kiang in a chia ziang ui,” a vatiu a.

JOHAN 3:26 ပူးပေါင်းရင်းမြစ်များ

SAM 65:2

Aw, pauchapna ngaithapa! La kiang ah mi zosia hung tau hen.

THUGENTU 4:4

Sepgimna leh thiamnêl tak ah nasep thilbawl zosia hile, midangte îtsikna ziak bep ahi ti ka mu tai. Zia hile bangmalo mai mai leh lunggimna mai mai ahi.

ISAI 45:23

“Khûp zosia ka ma-âng ah hung khiangkho intiu in, lei zosia le hung kitiam ta’n au,” ti’n keima ma’n thu ka la tiam ta’n, ka kam ah kipat thudik tak ka la gendawsa chu, a thawn in thumal khat le hung kile’kit lo ding ahi.

MATTHAI 23:7

kaithial lai ah chibai kibûk leh, mite’n zilsakpa, a ti dingteu chu a doichuam sek ui.

MATTHAI 23:8

Himaleh, nanghaw vang, zilsakpa ti dingin um kiu in; hotu pakhat bep la nei ui, nang uh hi suapi khat chiat la hiu hi.

JOHAN 1:15

Johan in a chanchin a hiatsak a, “Zia mi, ka nung ah hung dingpa chun ei makhel tai, ka malam ah umsa him ahi, tia ka gen sek kha ama hi ahi,” a tia.

JOHAN 1:7

Ama chu Vâk thu hiatsak dingin a hunga, ama ziak ah mi zosia’n a gin theina ding un.

JOHAN 1:9

Vâk dik tak, mitin salvâk ding chu khawvel ah hung ahi.

JOHAN 11:48

Hitia hi I thathawt zing ua leh, ama hi mi zosia’n hun gingcha’n tiu in, zia tak chuleh Rom mite hung intiu in, I mun thiangtho leh I nam uh hi hung susia ding a hiu,” a tiu a.

JOHAN 12:19

Pharisaite chu a kiho ua, “En un, bangma la law theilo uh hi; en tiam un, khawvel ah mite’n a nung a zui tau hi,” a tiu a.

JOHAN 3:2

Ama chu jan ah Jesu kiang in a hung ah, “Rabbi, nang hi Pathian ah kipat zilsakpa ding ah hung la hi ti ka hiau a; kuale ama ah Pathian umnate longal chun, zia la thilmak bawlte gual hi bawl thei pua’n au,” a hung tia.

JOHAN 4:1

Johan sâng in nungzui tam zaw a nei leh, baptis le a bawl tam zawi ti Pharisaite’n a hiau hi ti, Jesu’n a het phat in,

JOHAN 4:2

Jesu ngei ngei in a baptis pua’n, a nungzuite’n a hi’zaw sek uh ahi,

JOHAN 4:31

Zia kâl ah chun a nungzuite chun, “Hotupa, an ne’n,” a tiu a.

JOHAN 5:33

Johan kiang ah mi la sawl ua khan, ama chun thutak tak a la gen ahi kha.