JOHAN 3:2 - PATHIAN LEKHABU THIANGTHO (BSI)

² Ama chu jan ah Jesu kiang in a hung ah, “Rabbi, nang hi Pathian ah kipat zilsakpa ding ah hung la hi ti ka hiau a; kuale ama ah Pathian umnate longal chun, zia la thilmak bawlte gual hi bawl thei pua’n au,” a hung tia.

JOHAN 3:2 ပူးပေါင်းရင်းမြစ်များ

1 LENGTE 17:24

Tichun, numeinu chun Elijah kiang in, “Tu’hin Pathian mi la hi ti leh, la kam ah um Lalpa thu chu thutak ahi ti ka he tai,” a tia.

ISAI 51:7

Nanghaw a dik hete haw, ka hilna thu lungthim ah vopte haw, ngai un; midangte hun vauna chu lau kiu inla, a hun engho lai unle lungthuai kiu in.

JEREMIAH 38:16

Tichun, Lengpa Zedekiah chun a gûk in Jeremiah kiang ah kitiamna a nei ah, “Hinna ei pepa Lalpa min in ka kitiam hi. Hun that pua’ng ka tin, a hun thalup gawte khut inle hun pedok diak pua’ng ka,” a ti tai.

MATTHAI 22:16

Tichun, a zilsakteu leh Herod pawl ah mi khenkhatte chu a kiang in a sawl ua, Hotupa, nang hi midik tak la hi’n, Pathian lampi chu thutak in la zilsak ah, kuama khen chuam la nei pua’n, mihing mai la en diak puai, ti ka hiau hi.

MATTHAI 23:7

kaithial lai ah chibai kibûk leh, mite’n zilsakpa, a ti dingteu chu a doichuam sek ui.

MATTHAI 23:8

Himaleh, nanghaw vang, zilsakpa ti dingin um kiu in; hotu pakhat bep la nei ui, nang uh hi suapi khat chiat la hiu hi.

MARKA 12:14

A hung tun phat un a kiang in, “Hotupa, midik tak la hi, kuama khawksak chuam la nei pua’n, kuama khen chuam nei diak lo in, thutak in Pathian lampi chu la zilsak zaw sek hi, ti ka hiau hi. Aleh, Kaisar kiang ah leiman piak hi a thiang em, thiang lo?

JOHAN 1:38

Jesu chu a hung kihei ah, a hun zui uh chu a mu, a kiang un, “Bang hawl la hiu em?” a la tia. Amau chun, “Rabbi (zia chu Hotupa, ti’na a hi) khoi ah chêng la hem?” a tiu a.

JOHAN 10:38

Ahi’n la, ka sep ahi chun, kei ei taksang lo maleu chinle, thil kibawlte bêk hi taksang un; Pa keima ah um ti leh, keima Pa ah ka um ti la het ua, la taksan theina ding un,” a tia.

JOHAN 12:37

Amau haw ma-âng in thilmak zia jatzojai chu bawl maleh ama a ging diak puau hi.

JOHAN 14:10

Keima Pa ah ka um hi ti leh, Pa chu keima ah a um hi, ti hi hechian nai lo la hem? La kiang ua thu ka gente hi keima phuak kawm ka gen a hipua’n, keima ah Pa um chun, zia na chu a hun sêm zaw ahi.

JOHAN 15:24

Midang in thil a la hi khâk ngailote a lak ua hi’lo hileng chu, gitlona nei hipua’n au; tun ahileh vang chu, kei leh ka Pa chu ei mu tau in, huat le ei haw tau hi.

JOHAN 2:11

Zia a thilmak bawl masak pen hi, Galili gam ah Kana khua a bawl ahi; a lopina chu a hi’lang ah, a nungzuite chunle ama a gingcha tau hi.

JOHAN 20:16

Jesu’n a kiang in, “Mari!” a hun tia. Ama chu a hung kihei ah, a kiang in, “Rabboni!” a hun tia, zia chu “Hotupa,” ti’na ahi.

JOHAN 3:26

Tichun, Johan kiang in a hung ua, “Rabbi, Jordan lui gâl lam ah la kiang ah hungpa, a chanchin la la hiatsak sekpa khan mi a baptis hen, ngaitia, mi zosia a kiang in a chia ziang ui,” a vatiu a.

JOHAN 4:31

Zia kâl ah chun a nungzuite chun, “Hotupa, an ne’n,” a tiu a.

JOHAN 5:36

Himaleh, Johan sâng ah hiatsakpa lopi zaw ka nei hi. Zia chu, Pa’n ka sep zaw ding ah ei piakte ka sep zaw hin, zia nasep ngei chun, Pa ei sawl ka hi’dan kichian tak in a hiatsak ahi.

JOHAN 6:2

Damlote chung ah thilmak a hi’te chu a la mu ziak un, mipi tam tak in ama a zui tau hi.

JOHAN 7:31

Tichun, mi tam tak in ama chu a hun gingcha tau a, Messiah chu a hung tak leh le zia pa thilmak bawl sâng ah tam zaw hi bawl diak ding a hem? a tiu a.

JOHAN 9:16

Pharisai khenkhatte chun, “Sabbath ni le khawksa lo mihing hi, Pathian ah kipat ei puai,” a tiu a. Midang khenkhat chun, “Migilo in zia gual thilmak hi bangti’n bawl ding a hem?” a tiu ah; a lak un kikhenna a hung um tai.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 2:22

Nanghaw Israel mite haw, ka thugen hi a la ngai un: Nazareth Jesu, Pathian in a hetpi ngei kha, ama mang in Pathian in la lak un thil lopi takte, thilmakte leh tepte’nate a bawl ah, zia chu nangmau ngei inle la hiatsau ahi’n,

PHILIPPI 1:14

chuleh, ka kolbunate ziakin unaute lak ah tam tak in, Lalpa muanna nei zaw diak in, Pathian thu gen dingin nasa zaw diak ah suk-hansan leh launa neilo a hung hitau hi.

VAIHAWMTE 6:27

Tichun, Gideon in a suakte mi sawmkhat a pui ah, Lalpa‘n a hil gual tak ah chun a bawl ta’n; ahi’n la, a chanaute leh a khua sung ah mite a lau bêk ziakin, sûn ah bawl ngam lo in, jan in a bawl tai.