JOHAN 3:18 - PATHIAN LEKHABU THIANGTHO (BSI)

¹⁸ Ama ging taphot chu thiamlo chang pua’n tin; himaleh, ama ginglo taphot chu thiamlo changsa ahi tai, Pathian Chapa changkhat neisun min a ginlo ziakin.

JOHAN 3:18 ပူးပေါင်းရင်းမြစ်များ

MARKA 16:16

Kuale a ging ah baptisma chang chu hukdam in um intin; himaleh, a ginglote chun thiamlo chang in au.

JOHAN 1:12

Himaleh, ama a la lop ah, a min gingte chu Pathian chate hitheina a piai.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 20:31

himaleh, zia lekhabu hi, Jesu chu Pathian Chapa Messiah chu ahi ngei hi, ti la hun taksan ua, ama ging ah, a min ah kumtuang hinna la neina ding ua zik ahi zawi.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

JOHAN 3:36

Kuale Chapa ging chun kumtuang hinna a nei tai; chuleh, kuale Chapa ging lo chun hinna mu pua’n tin, Pathian lungnatna chu um zaw’n a, a tia.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

JOHAN 6:40

Chuleh, zia hi ka Pa doigual chu ahi, kuale Chapa mu ah, ama gingcha chun kumtuang hinna nei uh hen la; chuleh, nitawp ni leh ama chu keima’n kaitho leng,” a tia.

JOHAN 6:47

Titakzet in ka hil la hiu, kuale keima ei gingcha chun kumtuang hinna a nei hi.

ROMTE 5:1

Ziaziakchun, ginna ziak ah thiamchang ah um in, I Lalpau Jesu Khrista jal in, Pathian tawh kicham in I um tau hi.

ROMTE 8:1

Chutichun, tu’hin chu Khrista Jesu ah umte â ding ah chun, thiamlo channa him him a um ta puai.

ROMTE 8:34

Thiamlo chansak chu kua a hem? A hung thi Khrista Jesu kha ahi; ahi ngût hi, a thokit ah Pathian khut changlam in a um ah, ama chun ei pauchap piak zing ahi.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

HEBRAITE 2:3

zia gual lawm ah hukdamna lopi hi ngaisak lo in um leu hin, bangti’n suakcha thei ding I hiu em? Zia chu a tîl in Lalpa kam ah gen ahi tangal ah, a hete chun ei namdet piak uh ahi.

HEBRAITE 3:19

Tichun, a gin lo ziak un a lut thei ta puau hi, ti I mu tau hi.

1 JOHAN 3:23

A thupiak chu zia hi ahi: A chapa Jesu Khrista min ging in, ama’n thu ei piak gual in kihepi tua chiat leu hing, ti hi.

1 JOHAN 4:9

Pathian hepina chu I lak un zia gual hin tâklat ahi tai: Pathian in a Chapa neisun khawvel in a hun sawl ah, ama ah I hintheina ding un.

1 JOHAN 5:10

Pathian Chapa gingte’n hetpina chu a lunggil un a nei chiat tau hi. Pathian ginglote’n vang ama chu juauthei a chansak tau hi, Pathian in a Chapa chanchin a hiatsak chu a gin lo ziak un.

1 JOHAN 5:12

Kuale Chapa nei taphot chun hinna a nei un, Pathian Chapa nei lo taphot chun hinna a nei puau hi.