JOHAN 3:16 - PATHIAN LEKHABU THIANGTHO (BSI)

¹⁶ Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

JOHAN 3:16 ပူးပေါင်းရင်းမြစ်များ

THILSIAM THU 22:12

Ama’n, “Naupang chung ah khan la khut tha kin la, ama kha bangma law diak kin; la chapa neisun lei piak ding la îtchâk lo ziakin Pathian la lau hi ti tu’hin ka hechian tai,” a hun tia.

THILSIAM THU 22:2

A kiang in, “La chapa, la chapa neisun Isak, la hepi ngawi ngawi kha pui inla, Moriah gam ah chia inla, zia tak ah tâng pakhat ka hun hilna ding mun ah chun hâlmang thillat in hun pia’n,” a ti’n.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

MATTHAI 9:13

Chutichun chiau inla, ‘Kithoina ka dawi pua’n, jangaina ka dawi hi,’ ti hi a umdan vazil un; midikte hawl ding ah hung ka hipua’n, mi gilote hawl ding ah hung ka hizawi,” a tia.

MARKA 12:6

A chapa khat neisun a doichuam ma ma chu a um nalai a; ama chu a nunung pen in a sawl ah, “Ka chapa hi vang a la ja deu in au,” a tia,

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

JOHAN 10:28

Chuleh, a kiang un kumtuang hinna ka pia’n, bangtik chan inle mangthai pua’n au. Kuama’n ka khut ah kipat ei lâkpiak pua’n au.

JOHAN 3:15

Kuale ama ging taphot chun mangthailo ah, kumtuang hinna a nei zawkna ding un.

JOHAN 3:18

Ama ging taphot chu thiamlo chang pua’n tin; himaleh, ama ginglo taphot chu thiamlo changsa ahi tai, Pathian Chapa changkhat neisun min a ginlo ziakin.

JOHAN 3:36

Kuale Chapa ging chun kumtuang hinna a nei tai; chuleh, kuale Chapa ging lo chun hinna mu pua’n tin, Pathian lungnatna chu um zaw’n a, a tia.

JOHAN 6:40

Chuleh, zia hi ka Pa doigual chu ahi, kuale Chapa mu ah, ama gingcha chun kumtuang hinna nei uh hen la; chuleh, nitawp ni leh ama chu keima’n kaitho leng,” a tia.

ROMTE 5:10

A mêlma I hi’lai a bawn, a Chapa thina ziak ah Pathian tawh kicham I la hi tâk uh chun, kicham a I um tâk nung uh hin, a hinna ziakin hukhin in um ngei hitiu.

ROMTE 5:8

Himaleh, Pathian chun ei hepina chu a latsak ah, migilo I hi’lai ua, Khrista chu I sik un a thi ta ahi.

ROMTE 8:32

Ama Chapa hial bawn hawi lo ah, I leng ua thasâng ah hun pepa chun, thildang zosia le a thawn in ei pelo ding a hem?

EPHESA 2:4

Ahi’n la, Pathian chun, hepina a hau dungzui ah ei la hepi ziakin;

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

TITA 3:4

Himaleh, Pathian, I Hukhingpau in mihingte a lungsiatna leh hepina a hung latsak nung ah hin,

HEBRAITE 2:9

himaleh, Jesu chu vansawlchâkte sâng ah niam zaw koi ah um tadi chu, Pathian hepina ah mitin â ding ah thina chu a tepna dingin, thina chu a hung thuak ah, choihoina leh za umna hung chang ta chu I la mu tau hi.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

1 JOHAN 4:19

Ama’n ei hepi masak ziakin I hepiu ahi.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.