JOHAN 3:10 - PATHIAN LEKHABU THIANGTHO (BSI)

¹⁰ Jesu’n a dawnhu a, Israelte hotu pakhat la hingal ah, bangatia ziate hi hethei lo la hem?

JOHAN 3:10 ပူးပေါင်းရင်းမြစ်များ

1 KHANGTHU 29:19

Chun, ka chapa Solomon hi la thupiakte, la thil hiatsakte leh la dante zawm ah, zia gual ah chu um thei ding leh ka la kiguanggal dungzui ah zia In chu sa dingin, lungthim pha bukim putsak ta’n, ti’n a gen tai.

SAM 51:10

Aw Pathian, keima ah hin, thinlung thiangtho siam inla; ka sung hin thagau thak leh dik koi ta’n.

SAM 51:6

Sunggil lam ah takna la dawi hi; tichun, ka lunggil sung ah hin pilna ei zilsak ta’n.

SAM 73:1

Mi dikte â ding leh, thinlung thiangthote chung ah chun, Pathian chu a pha tak tak hi.

ISAI 56:10

Israel gâlvêngte chu mitthûm, hetna bei ngen a hiu ah; uicha pau helo leh hâm thei lo, mawk um ah lum nguai mai leh, i-mut thût gual ngen a hiu.

ISAI 9:16

zia mipi puitute hin a puimang tau a, a mi puiteu chu buai ah nutsia in a um tau hi.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

EZEKIEL 11:19

Lungthim thak pia’ng ka tin, a lunggil un thagau thak pakhat koi ta’ng ka; suang tawhbang ah tâk a taksau ah kipat lungchang chu ladok in, taksaphe gual ah nêm lungchang chu pia ta’ng ka tin;

MATTHAI 11:25

Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.

MATTHAI 22:29

Jesu’n a dawnhu ah, Pathian Lekha thu leh Pathian thilhitheina la het lo ziak un la ngai khial uh ahi.

LUKA 2:46

Ni thum nung in tempul sung in a vamudok un; ama chu hotute lak ah chun a la kichu, thu ngaitha leh thu dong in a la um a.

LUKA 5:17

Ni khat chu thu a gen lai in, (Galili gam ah khawpi kipat, Judea gam leh Jerusalem vêl ah kipat, mipi hung khawmte lak ah chun) Pharisaite leh lekhazikte le a la kichu khawm un. Amau sukdamna ding ah chun, Lalpa thilhitheina a kiang in a um a.

JOHAN 3:9

Nikodem chun a kiang in, “Bang ti’n zia thilte chu a hithei diam?” a tia.

NASEPTE 5:34

Himaleh, vaihawm pawl lak ah Pharisai pakhat, a min Gamaliel, dan lam ah hotu, mi zosia’n a ja uh chu a hung dingdok ah, zia mite chu chomkhat In mai lam ah va-umsak dingin thu a pia.

ROMTE 2:28

A kilang mai ah Juda mi hi chu a tak ahi ziang puai; a pawlam ah taksa mai ah zektan chule zektan tak tak ahi puai.

DAN LEKHABU 10:16

Ziaziakchun, la lungthim uh siam thak in, lu’lul tak in um ta kiu in.

DAN LEKHABU 30:6

Zia ban ah chun, Lalpa la Pathian un nang mau leh la chateu lungthim zosia thumat theina hun pia’n tin; tichun, la hin theina ding un la lungthim zosiau leh la ngaituanau zosia in Lalpa la Pathian uh hepi ta’n lau.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

KOLOSSA 2:11

Ama ah chun nanghaw chu khut hilo ah zektan la hitau in, taksa ah gitlonate chu liptha’n, Khrista ah zektan la hitau a;