JOHAN 20:31 - PATHIAN LEKHABU THIANGTHO (BSI)

³¹ himaleh, zia lekhabu hi, Jesu chu Pathian Chapa Messiah chu ahi ngei hi, ti la hun taksan ua, ama ging ah, a min ah kumtuang hinna la neina ding ua zik ahi zawi.

JOHAN 20:31 ပူးပေါင်းရင်းမြစ်များ

SAM 2:12

a keng hung chawp tau in; a chutiloleh, lungna’n tin, lam kâl ah mangthai kha’n lau; a lungnatna chu kuangjak pai ziang ahi ngal ah. Ama bêl zosia chu a hamphau hi.

SAM 2:7

Lalpa thupiak chu hun hil ding ka hi; ka kiang in: “Nang vâng ka chapa la hi; tu’ni ka hin la hi.

MATTHAI 16:16

Simon Peter in a dawnhu a, Messiah, Pathian Hing Chapa chu la hi, a tia.

MATTHAI 27:54

Sepai zahotu leh a kiang ah Jesu vêng ah umte chun, linlîng leh thil umdante chu a mu phât un a lau ma mau a: “Zia mi hi Pathian Chapa a la hi tak tak hi,” a tiu a.

MATTHAI 4:3

Thêmpa chu a hung ah, a kiang in, “Pathian Chapa la hileh zia suang hi vaithum suak dingin thu pia ta’n la,” a tia.

MARKA 16:16

Kuale a ging ah baptisma chang chu hukdam in um intin; himaleh, a ginglote chun thiamlo chang in au.

LUKA 1:35

Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.

LUKA 1:4

Zia chu nangma a la hil tâk uh kha a tak tak ahi ti la hiattheina dingin.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

JOHAN 10:10

Gucha chu gu ding leh, that ding leh susia ding longal in a hung ngai pua’n; kei ka hileh chu mi tam tak in hinna a nei ua, tam tak a nei theina ding ua hung ka hi.

JOHAN 19:35

(Zia chu a vamu ngei ngei pa chun a gen ahi, a thugen chu a dik ngei ahi; ama chun a dik ahi ti a het ngei chu a gen a hin, zia chu nang unle la taksan theina ding ua a gen ahi.)

JOHAN 20:28

Thoma chun, “Ka Lalpa leh ka Pathian!” a tia.

JOHAN 3:18

Ama ging taphot chu thiamlo chang pua’n tin; himaleh, ama ginglo taphot chu thiamlo changsa ahi tai, Pathian Chapa changkhat neisun min a ginlo ziakin.

JOHAN 3:36

Kuale Chapa ging chun kumtuang hinna a nei tai; chuleh, kuale Chapa ging lo chun hinna mu pua’n tin, Pathian lungnatna chu um zaw’n a, a tia.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

JOHAN 6:40

Chuleh, zia hi ka Pa doigual chu ahi, kuale Chapa mu ah, ama gingcha chun kumtuang hinna nei uh hen la; chuleh, nitawp ni leh ama chu keima’n kaitho leng,” a tia.

NASEPTE 10:43

Jawlneite zosia’n a chung thu a la gen uh, ‘Kuale a ging tapo chun a min in gitlo ngaidamna chang ding a hiu,’ ti thu kha,” a tia.

NASEPTE 3:16

Ama min chu zia mipa hin a gin ziakin, a min ngei ah chun zia pa, la muu leh la het uh hi, a suhat ta ahi; tichun, Jesu a ginna ah chun ama chu la leng ua mit mu in damna bukim a pia ta ahi.

NASEPTE 8:36

A kiton pek lai ua chun lui pakhat a tung ua, mi kigetpa chun, “Entia, zia tak ah hin tui a um hi, baptisma ka channa ding bang ei dâl a um em?” a hun ti’n.

NASEPTE 8:37

Ziaphatchun, Philip in, “La lunggil zosia’ la gin leh chang thei inla,” a tia. Chun, ama chun a hun dawnhu a, “Jesu Khrista chu Pathian Chapa ahi, ti ka ging hi,” a tia.

NASEPTE 9:20

Zia kipat chun kikhopna In ah, “Jesu chu Pathian Chapa ahi,” ti thu a hun gen pan ngal a.

1 PETER 1:9

La gin jal ua thagau hukdamna chu chang ding la hi tangal un.

1 JOHAN 4:15

Jesu chu Pathian chapa ahi, ti dinpite kiang in Pathian a um a, amau le Pathian ah a um ui.

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

2 JOHAN 1:9

Kuale Khrista thuhilna ah um zing lo ah, zia chu a belap chun, Pathian a nei puai; kuale zia thuhilna chu a umzing chun Pa leh Chapa a nei gêl gêl hi.

THUPUAN 2:18

Thuatira khua kochuam vansawlchâk kiang ah chun zia gual hin zik in: Pathian Chapa, meikuang gual mit nei ah, a keng sum-eng gual ah val khan zia thu hi a gen hi: