JOHAN 20:27 - PATHIAN LEKHABU THIANGTHO (BSI)

²⁷ Thoma kiang ah chun, “La khut in hun bân inla, ka nâk ah thun in. La khutzung in hun khoi in, ka khutte hi en in. Taksanglo in um kin la, taksang in,” a tia.

JOHAN 20:27 ပူးပေါင်းရင်းမြစ်များ

SAM 78:38

Ahi’n, ama chu lainatna dim ahi ziakin, a khawlonau chu ngaidam in amau chu a gawt chimit diak puai. A lungnatna a kisûm ah, a hachang thakna zosia chu a choktho nuam puai.

MATTHAI 17:17

Jesu’n, khangthak ginna neilo leh thukhelte haw, bangchan hun umpi nalai ding ka hem? Bangchan a hem ka hun daw zaw nâk lai ding? Ama chu ka kiang in hun pui un, a tia.

MARKA 9:19

Ama chun a kiang un, “Aw khangthak ginna neilote haw! Bangchan hun umpi nalai ding ka hi em? Bang chan hun kithuapi nalai ding ka hem? Ama chu ka kiang in hun pui un,” a tia.

LUKA 24:39

Ka khutte, ka kengpêkte hi en un, keima ngei ka hi hilam! Ei khoi un la, en un; lei mu gual uh hin thagau in phe leh gu a nei puai,” a tia.

LUKA 24:40

Zia chu a gen zaw in, a khutte leh a kengpêkte chu a etsak a.

LUKA 9:41

Ziaphatchun Jesu’n, “Aw ginna tawmte leh khangthak chavaite haw, la lak ua bang chan um nalai ding ka hia, ka hun khawngai nâk lai ding a hem? La chapa chu zia lam ah hin hun pui in,” a tia.

JOHAN 20:20

Ama’n zia chu a gen zaw in, a khut leh a nâk a etsak a. Lalpa chu a mu phât un nungzuite chu a kipak ma mau a.

JOHAN 20:25

Nungzui dangte chun a kiang in, “Lalpa chu ka mu tau hi!” a tiu a. Ama chun vang a kiang un, “A khut thikkil kikhetna beliamte kha ka mu ah, thikkil kikhetna beliam leh a nâk liam ah ka khutzung ka thun zet lo chun taksang pua’ng ka,” a tia.

JOHAN 20:28

Thoma chun, “Ka Lalpa leh ka Pathian!” a tia.

ROMTE 5:20

Sukkhialna a kilat tam zawk diak theina dingin dan chu a hung lut a. Himaleh, gitlona a punna chun hepina le a pung zaw diak sek hi.