JOHAN 20:17 - PATHIAN LEKHABU THIANGTHO (BSI)

¹⁷ Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

JOHAN 20:17 ပူးပေါင်းရင်းမြစ်များ

2 LENGTE 4:29

Gehazi kiang ah chun, “La kawng gâk det in, ka tiangkhut kha chawi in la, chia in. Mi la kituakpi leh le chibai bawl malam kin, mi khatto in chibai a hun bûk guat leh le limsak kin; chuleh ka tiangkhut hi naupang mai chung ah vazam in,” a tia.

2 LENGTE 7:9

Tichun, a hung kiho ua, “I thilbawl uh hi a dik puai. Tu’ni hi chanchinpha tun ni ahi; thipbek ah jingkal khawvak I ngak ua chun, a maw chang ding I hiu; ziaziakchun, chia hitiu in, lengpa In ah mite vahil hitiu,” a kitiu a.

SAM 22:22

Ka suapite kiang in la min hil ing ka tin; mipi kikhawmte lak ah la min pâk ing ka.

SAM 43:4

Tichun, Pathian mâichâm ah chia ing ka tin, ka limna pen Pathian kiang ah chun. Aw Pathian, ka Pathian, tingtang in hun chawihoi ing ka.

SAM 48:14

zia hi I Pathian uh, kumtuang, kuamtuang ah I Pathian uh chu ahi. Ama kumtuang ah ei puipa ding chu ahi, ti la hilsawn theina ding un.

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

SAM 89:26

Ama’n kei kiang ah, ‘nangma hi ka Pa, ka Pathian leh ka hukdamna Suangpi chu la hi!’ ti’n a.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 32:38

Amau chu ka mite hung hi’n, keile a Pathian uh hung hita’ng ka.

EZEKIEL 36:28

Ziaphat chuleh, la pu leh pateu kiang ah ka la piakna gam ah hin chêngden ta’n lau; tichun, ka mite hi’n la tiu in, keile la Pathian uh hita’ng ka.

EZEKIEL 37:27

A lak un chêngden ing ka tin; chuleh, a Pathian uh hita’ng ka tin, amau chu ka mite hita’n au.

MATTHAI 12:50

Kuale, ka Pa van ah um doi gual hi’ tapo chu, ziate ngei chu ka suapipa, ka suapinu leh ka nu a hiu,” a tia.

MATTHAI 25:40

Lengpa chun a kiang un, titakzet in ka hil la hiu, zia ka unaute lak ah a neupen chung ah la hiu kha le, keima chung ah hi’ la hiu, hun ti ta’n a.

MATTHAI 28:7

Tu’hin kin tak in chiau inla, ‘Thina kipat a thokit tai’; ti a nungzuite vahil un, la malam un Galili gam lam ah a la chia tai; zia lam ah chun vamu’n lau, zia chu ahi la kiang ua ka gen nop chu,” a la tia.

MARKA 12:26

Mithi thawkitna thu Mosi lekhabu chun, chîmbuk ah Pathian in, ‘Kei Abraham Pathian, Isak Pathian, Jakob Pathian ka hi,’ tia a gente kha sim kha’lo la hiu em?

MARKA 16:19

Lalpa chun, zia thute chu a gen zaw phatin, van lam ah pui to in a um ta’n, Pathian changlam ah a hang chu tai.

LUKA 10:4

Dangka dip, sakhau leh kengtawdapte keng kiu inla, lampi’nle kuama chibai bûk malam kiu in.

JOHAN 13:1

Chiakân Kût ma deu ah chun, Jesu’n zia khawvel hi nusia ah, Pa kiang ah a chia hun tung ding ahi tai ti a hia’n. Ama mi, khawvel ah um, a hepi sekte chu a tawp tiang in a hepi zing a.

JOHAN 13:3

Jesu chun, Pa’n bangkim a khut ah a koi leh, Pathian ah kipat hung ahi’n, Pathian kiang ah chia kit ding ahi dante chu hezing in;

JOHAN 14:2

Ka Pa In ah umna tam tak a um hi. Chuti hiloleh, nang uh â ding ah mun siam in ka chia hi, ti ding ka hem?

JOHAN 14:28

La kiang ua, chia mang ing ka tin, hung kit ding ka hi, ka ti kha la he tau hi. Keima lei hepiu leh, pa kiang ah chia ding ka hi, ka ti ziak ah hin kipak ma ma ding la hiu; ka pa chu keima sâng ah lopi zaw ahi ziak in.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 16:28

Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 17:5

Chuleh, He Pa, tu’hin khawvel kisiam masang ah, la kiang ah nangma ngei lopina lei choisa’n gual ah khan ei chawisang kit ta’n.

JOHAN 20:27

Thoma kiang ah chun, “La khut in hun bân inla, ka nâk ah thun in. La khutzung in hun khoi in, ka khutte hi en in. Taksanglo in um kin la, taksang in,” a tia.

JOHAN 7:33

Ziaphatchun, Jesu’n a kiang un, “Hun chomkhat sung la kiang un um ing ka tin, ziazaw chuleh ei sawlpa kiang ah chia ding ka hi tai.

ROMTE 8:29

Pathian chun, a Chapa chu unau tam tak lak ah cha piang masa pen ahi’theina dingin, a hetlawkte chu a Chapa gual hiding in a guatlawk a.

2 KORINTH 6:18

nang uh dingin Pa hi’ng ka tin, nang uh le kei â dingin chanu chapate hi’n lau; Lalpa bangkim hi’thei chun a tii,”

GALATIA 3:26

Khrista Jesu gin ziakin Pathian chate la hung hi chiat tau hi.

HEBRAITE 11:16

Himaleh, gam phazaw a thangai un, zia chu van-gam ahi. Ziaziakchun, Pathian in a Pathian uh kiti ding chu a zakcha puai; amau â ding ah khawpi khat a siam piak tak ziakin.

HEBRAITE 8:10

‘Zia nite zaw chuleh, Israel Insung mite tawh kikâl ah ka thuthun ding chu, zia hi hi’n a,’ Lalpa‘n a ti’n: ‘A lungthim un ka dan chu koi ing ka tin, a lung sung un zik ing ka; chuleh, a Pathian uh hi’ng ka tin, amau chu ka mite hita’n au.

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

1 JOHAN 3:2

Doitakte haw, tu’hin chu Pathian chate I hitau hi; bang gual ah I um ding uh vang a kilang nai puai. Ama chu a hung kilat phat leh, ama chu ahi’na gual tak in mu tai tiu in, ama gual in um ding I hiu ti vang I hiau hi.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.

THUPUAN 21:7

A zo te chun zia zosia chu lua intiu in, kei a Pathian uh hi’ng ting, amau chu ka cha hi’n au.