JOHAN 20:16 - PATHIAN LEKHABU THIANGTHO (BSI)

¹⁶ Jesu’n a kiang in, “Mari!” a hun tia. Ama chu a hung kihei ah, a kiang in, “Rabboni!” a hun tia, zia chu “Hotupa,” ti’na ahi.

JOHAN 20:16 ပူးပေါင်းရင်းမြစ်များ

THILSIAM THU 22:1

Zia nung ah chun, Pathian in Abraham chu a patep ta’n, a kiang in, “Abraham,” a ti’n. Ama’nle, “Zia hin ka um hi,” ti’n a dawnhu a.

THILSIAM THU 22:11

Himaleh, van ah kipat in Lalpa vansawlchâk chun a hun ko ta’n: “Abraham, Abraham,” a hun ti’n. Ama’nle, “Zia hin ka um hi,” ti’n a dawnhu a.

THILSIAM THU 45:12

Chuleh, ngai tiam un, nangmau mit mu ngei leh ka nau Benjamin mit mu ngei in keima kam ngei ah ka gen lai tak hi la mu chiat uh hi.

PAWTDAWNA THU 3:4

A en dingin a kihei tai ti Lalpa’n a mu phât in, Pathian in hambuk lak ah kipat chun, “Mosi, Mosi,” ti’n a hun ko ta’n. Ama’nle, “Zia tak hin ka um hi,” a hun tia.

PAWTDAWNA THU 33:17

Lalpa chun Mosi kiang in, “La thil dot gual gual chun hun bawl ing ka; ka mit la tung ngal ah, la min le ka hechian ngal hen,” a tia.

SOLOMON LÂ 3:4

Amau ka kituakpi zaw zaw ah chun, ka hinna’n a thangai pen chu ka mu tai. Ei hingtu, ka nu pindan sung ngei ah, ka pui lût masang sia tha’suak talo dingin ka tuchak tai.

SOLOMON LÂ 5:2

Ka ipmu, maleh ka lungthim a hal zing hi. Ngai in, ka ngaijawng in kotkhak a hun kiu hi! Ka In vakhu, ka ngai bâng lo; ka sam hi daitui in a chêk hen, ka baksam le jan dâichîm in a chêk zo tai”.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

MATTHAI 14:27

Ziaphatchun, Jesu’n a kiang un, lungmuang tak in um un; keima ka hi, lau kiu in; a vak tingal tai.

MARKA 10:51

Jesu’n a kiang in, “Bang hun bawl piak leng la nuam em?” a tia. Mitthumpa chun, “Lalpa, mu’thei ka nuam hi,” a tia.

LUKA 10:41

Jesu chun, “Martha, Martha, thil tam tak la ngaitua ah buai la hi;

JOHAN 1:38

Jesu chu a hung kihei ah, a hun zui uh chu a mu, a kiang un, “Bang hawl la hiu em?” a la tia. Amau chun, “Rabbi (zia chu Hotupa, ti’na a hi) khoi ah chêng la hem?” a tiu a.

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

JOHAN 10:3

Ama chu a kotkhak vêngpa chun kot a hon piak ah; a belamte’n le a aw a hiau ah; ama belamte chu a min un a ko chiat ah, a puidok sek hi.

JOHAN 11:28

Zia a gen zaw ah chun, a chia ah, a gûkcha’n a suapinu Mari chu a ko ah, “Hotupa a hung ta’n, a hun ko hi,” a tia.

JOHAN 13:13

Nang un keima hi Lalpa leh Hotupa lei ti sek un; la ti dik ui, hile ka hi him ahi.

JOHAN 20:28

Thoma chun, “Ka Lalpa leh ka Pathian!” a tia.

JOHAN 3:2

Ama chu jan ah Jesu kiang in a hung ah, “Rabbi, nang hi Pathian ah kipat zilsakpa ding ah hung la hi ti ka hiau a; kuale ama ah Pathian umnate longal chun, zia la thilmak bawlte gual hi bawl thei pua’n au,” a hung tia.

JOHAN 5:2

Jerusalem ah Belam Kotkhak kiang ah chun dil pakhat a um a, zia chu Hebrai pau in Beth-zatha a tiu ah, hulliap panga a nei hi.

JOHAN 6:25

Dilgâl langkhat lam ah a hung mu phât un, “Rabbi, bangtik ah zia lam hi a la tung la hem?” a tiu a.

NASEPTE 10:3

Ni khat chu nitâk lam dak thum ding vêl ah hin, Pathian vansawlchâk pakhat a kiang in a hung kilâk ah, “Kornelia,” ti’n a hun ko a.

NASEPTE 9:4

leitual in a kipuk ta’n; zia lai tak ah chun aw khat in a kiang in, “Saul, Saul, bangatia ei sugenthei la hem?” a hun tia.

1 SAMUEL 3:10

Ziaphatchun, Lalpa a hung ah, zia tak ah chun a hung ding ta’n; tu’ma lam ah a hun ko gual khan, “Samuel, Samuel!” ti’n a hun ko kit a. Samuel in a dawnhu ngâlah, a kiang in, “Gen in, la suak hin ka la ngai thai,” a tia.

1 SAMUEL 3:6

Lalpa‘n a hun ko kit ah, “Samuel, Samuel!” a hun tia. Samuel le thodok in, Eli kiang in a chia kit ah, “Zia hin ka um hi, bang ding ah lei ko a hem?” a tia. Himaleh, Eli chun, “Ka chapa, ka hun ko puai, valum kit in,” ti’n a la dawnhu a.