JOHAN 20:13 - PATHIAN LEKHABU THIANGTHO (BSI)

¹³ Amau chun, a kiang in, “Numei, bang ding ah kap la hem?” a tiu a. Ama chun a kiang un, “Ka Lalpa a lamang un, a koinau ka he pua ahi,” a tia.

JOHAN 20:13 ပူးပေါင်းရင်းမြစ်များ

THUGENTU 3:4

kâ hun a um ah, nui hun a um hi; lusûn hun a um ah, lâm hun a um hi;

JEREMIAH 31:16

Zia gual hin Lalpa‘n a gen hi: Kapdok talo dingin la aw chu kisûm inla, la mitthi le thiak-hul ta’n; la sep gim man chu mu ding la hi’ngâl a, Lalpa‘n a tii; la mêlmate gam ah kipat in, hung kit ding a hiu.

LUKA 24:17

Jesu chun a kiang un, “La chia kawm ua la holimnau kha bang thu a hem?” a tia. Lungkham mêlpu tak in a ding tau a.

JOHAN 19:26

Jesu’n, a nu leh a nungzui a hepi kha a kiang ah ding zing a mu’n, a nu kiang in, “Numei, la chapa kha en in!” a tia.

JOHAN 2:4

Ahi’n, Jesu’n a kiang in, “Numei, nang leh kei kisakla’na ding bang a hem um, ka hun a tung nai puai,” a tia.

JOHAN 20:15

Jesu’n a kiang in, “Numei, bang ding ah kap la hem? Kua a hem la hawl?” ti’n a dong a. Amanu chun huan neipa hiding ah a ginchâk ziakin a kiang in, “He pu, zia tak ah kipat la lakdaw ahileh, la koina mun ei hil in, keima’n pawdok ing ka,” a tia.

JOHAN 20:2

A hung tai ah, Simon Peter leh Jesu’n a hepi nungzui kiang in a hung a, “Lalpa kha thân ah kipat in a la kila mang tai, khoi ah a koi uh a hem ka he ta puai,” a hung ti’n.

NASEPTE 21:13

Paul chun, “Bang ding ah keima lunggimna ding bep ah zia gual ah chu kap la hiu em? Lalpa Jesu min ziak ah Jerusalem ah kânna bep hilo in, thi le ka huam ahi,” a tia.

1 SAMUEL 1:8

A pawsal Elkanah chun a kiang in, “Hannah, Bang ding ah kap la hem? Bang ding ah an ne nuam lo la hem? Bang a hem la lungkham? Chapa sawmkhat sângah poimaw zaw hilo ka hem?” ti’n a gen a.