JOHAN 2:4 - PATHIAN LEKHABU THIANGTHO (BSI)

⁴ Ahi’n, Jesu’n a kiang in, “Numei, nang leh kei kisakla’na ding bang a hem um, ka hun a tung nai puai,” a tia.

JOHAN 2:4 ပူးပေါင်းရင်းမြစ်များ

2 SAMUEL 16:10

Himaleh, lengpa chun, “Nanghaw Zeruiah chapate haw, bang a hem la kisakla piu? Lalpa‘n a kiang ah, ‘David hânsia valaw khum in,’ a ti hi kha leh, kua’n bangti awimaw thei ding a hem?” ti’n a dawnhu a.

2 SAMUEL 19:22

Himaleh, David chun, “Nanghaw Zeruiah chate haw, bang kisakla’na la hiu em; tu’ni hin ka mêlma pan gua la hiu em? Tu’ni hin Israelte lak ah mi pakhat bêk thalup ding ahi ka tia hem? Tu’ni hin Israelte chung ah leng ka hi tai ti kihet lo eisa la hiu em?” ti’n a dawnhu a.

1 LENGTE 17:18

Ziaphatchun, amanu chun Elijah kiang in, “Ka chung ah bang a hem la lungdamlo’na, aw Pathian mi? Ka gitlona ei kigêl dawsak kit ding leh ka chapa thi’sak ding ah hung la hi maw!” a tia.

THUGENTU 3:1

Van nuai khawvel ah thil zosia â dingin hunbî leh a hun a um chiat hi:

MATTHAI 15:28

Ziaphatchun, Jesu’n a kiang in, Aw numei, la ginna a nasa na lawm lawm e! La dawi gual gual in la chung in tung ta hen, a tia. Ziaphatchun, a chanu chu a hung dam ngal tai.

MATTHAI 8:29

Amau chun, “Pathian Chapa, kei uh bang ei law gua hung la hem? Huntiam tunma’ ei soisak gua la hem?” ti’n a kiko tau a.

LUKA 2:49

Ama chun a kiang un, “Bangatia ei hawl la hiu em? Ka Pa In ah um ding him ka hi ti helo la hiu em?” a tia.

JOHAN 12:23

Jesu’n a la dawnhu ah, “Mihing Chapa hi chawihoi ah a um hun hung tung ding ei tai.

JOHAN 13:1

Chiakân Kût ma deu ah chun, Jesu’n zia khawvel hi nusia ah, Pa kiang ah a chia hun tung ding ahi tai ti a hia’n. Ama mi, khawvel ah um, a hepi sekte chu a tawp tiang in a hepi zing a.

JOHAN 2:3

Uain a hung tâksap phat un, Jesu nu chun a kiang in, “Uain a tasam tau hi,” a vatia.

JOHAN 20:13

Amau chun, a kiang in, “Numei, bang ding ah kap la hem?” a tiu a. Ama chun a kiang un, “Ka Lalpa a lamang un, a koinau ka he pua ahi,” a tia.

JOHAN 20:15

Jesu’n a kiang in, “Numei, bang ding ah kap la hem? Kua a hem la hawl?” ti’n a dong a. Amanu chun huan neipa hiding ah a ginchâk ziakin a kiang in, “He pu, zia tak ah kipat la lakdaw ahileh, la koina mun ei hil in, keima’n pawdok ing ka,” a tia.

JOHAN 7:30

Ziaphatchun, ama chu mat a guau ah; himaleh, a hun a tun nailo ziakin, kuama’n a chung in khut a tha puau hi.

JOHAN 7:6

Jesu’n a kiang un, “Ka hun a tung nai tadi puai, nangmau hun ahi leh a tung zing hi.

JOHAN 7:8

Zia Kût ah chun nang uh vachiau in. Kei chu zia Kût ah hin hung pua’ng ka, ka hun a tun nailo ziakin,” a tia.

JOHAN 8:20

Jesu’n, zia a thugente hi, tempul sum koina mun ah a thu zilsakna a gen ahi; a hunle a tun nailo ziakin, kuama’n a man ngam puau hi.

2 KORINTH 5:16

Chutichun, tu’kipat hin taksa lam in kuama ka he ta puau hi; Khrista chu taksa lam in a la he ta leng unle, tun vang ka he ta puau hi.

DAN LEKHABU 33:9

la thupiak a ngaikhawk ziak leh, la thuthung a zop ziak un, a nu leh a pateu kiang a: “Ka hun ngaitua man puai,” tia, a chanauteu kihiatlosak ah, amau chate nasan le a he’pha ta puau.