JOHAN 2:22 - PATHIAN LEKHABU THIANGTHO (BSI)

²² Ziaziakchun, mithi lak ah kipat a thawkit phatin, zia chu a la genna ahi, ti a nungzuite’n a hun hedok kit tau a; chuleh, Pathian Lekha thu leh Jesu thugen chu a taksang tau ahi.

JOHAN 2:22 ပူးပေါင်းရင်းမြစ်များ

SAM 16:10

Ka thagau hi Sheol kiang ah pedok pua’n la tin, la mi ginum hile lei kawkhûk ah lutsak diak pua’n la.

LUKA 24:26

Messiah chun zia thilte zosia chu thuak ah, a lopina lut ding him hilo a hem?” a tia.

LUKA 24:44

Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

JOHAN 12:16

Zia thute chu a lim in a nungzuite’n a la hethiam puau ah; himaleh, Jesu chohoi ah a hung um phatin, a chung thu a la kizik ahi dan leh, ziaziak ah chu hung tung ahi dante le a hun hechian tau hi.

JOHAN 14:26

Ahi’n, Genpiakpa, Thagau Thiangtho ngei chu ka min in, Pa’n hun sawl intin, ama chun thil bangkim hun hil intin, la kiang ua ka thugen zosia hi hun hetdawsak kit ding ahi.

JOHAN 16:4

Himaleh, zia thute hi ka gen masak la hiu, a hun a hung tun tak leh ka thugente hi la hun hetdaw theina ding un. A lim lai khan la kiang ua ka um zing ziakin, zia thute hi a ka hun hil lo ahi.

JOHAN 2:11

Zia a thilmak bawl masak pen hi, Galili gam ah Kana khua a bawl ahi; a lopina chu a hi’lang ah, a nungzuite chunle ama a gingcha tau hi.

JOHAN 2:17

Ziaphatchun, a nungzuite’n, “La In ah ka phatchuam ngaina’n ei ne zo ding ahi,” ti thu kizik kha a hun hedok tau a.

JOHAN 2:2

Zia mo lopna chun, Jesu leh a nungzuite le a chial un.

NASEPTE 11:16

Chun, Lalpa thu gen, ‘Johan in tui in mi a baptis sek in; nanghaw vang Thagau Thiangtho in baptisma chang in lau,’ a ti dante kha ka hun hedok kit ngen a.

NASEPTE 13:33

Pathian in Jesu a hun kaithaw kitna ah hin, eihaw a chate kiang ah hin zia chu a hun sukguitun dan ei hilna ahi; Pâkna Labu panina chun: “Nang hi ka Chapa, tu’ni hin ka hun hin la hi,” ti’n a la kizik ah.