JOHAN 2:19 - PATHIAN LEKHABU THIANGTHO (BSI)

¹⁹ Jesu’n a dawnhu a, “Zia tempul hi suchim leuchinle, ni thum sung in tungding kit ding ka hi,” a tia.

JOHAN 2:19 ပူးပေါင်းရင်းမြစ်များ

MATTHAI 12:40

Jonah chu ngapi gilpi sung ah ni thum leh jan thum a um gual khan, Mihing Chapa le lei nuai in ni thum leh jan thum um in a.

MATTHAI 16:21

Zia hun ah kipat chun, Jesu’n a nungzuite kiang in Jerusalem ah a chia ding dan, upate, thiampu liante leh, lekhazikte khut ah haksatna tam tak a thok ding dante, tha ah a um ding dante, a ni thum ni’ kaithaw ah a um kit ding dante chu a hilpan tai.

MATTHAI 27:40

“Nang tempul susia ni thum sung ah tungding kit dingpa, nang leh nang kihukhing ta’n la; Pathian Chapa la hileh kros ah kipat chun hung kum in,” a tiu a.

MATTHAI 27:63

“He pu, zia mithêmpa khan a dam lai khan, ‘Ni thum zaw leh thokit ding ka hi,’ a ti kha ka hezing ui.

MARKA 14:58

“Zia pa hin, ‘Zia tempul khut ah kisa hi susia’ng ka tin, khut ah sak lo, ni thum sung in tungding ing ka,’ a tii,” a tiu a.

MARKA 15:29

Zia tak hun haw khate chun a luu a sukkhum un, “E hei, nang tempul susia, ni thum sung ah sa zo pa,

MARKA 8:31

Ziaphatchun, “Mihing Chapa hin thil tam tak thuak intin, upate leh thiampu lalte leh, lekhazikte doi lo in um intin; himaleh, ni thum zaw leh tho kit ding ahi,” a tia.

JOHAN 11:25

Jesu’n a kiang in, “Keima hi thawkitna leh hinna chu ka hi, ei gingcha taphot chu thi maleule hing zing in au;

JOHAN 5:19

Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

NASEPTE 2:24

Himaleh, ama chu thina’n a tûktân zaw ding gual ahilo ziakin, Pathian in thina kipat tandok in, a kaitho kit ta’n.

NASEPTE 2:32

Jesu chu Pathian in a kaitho ta’n, zia chu ka leng ua hin a hiatpitute ka hiu hi.

NASEPTE 3:15

Hinna Siampa chu la that un, Pathian in ama chu thina ah kipat in a kaitho tai. Zia chu keimau hi a hiatpitute ka hiu hi.

NASEPTE 3:26

Pathian in a suak chu a tundaw lai in, la bawsiatnateu la hun haisan ua, a hun maljawl kit theina dingin, nanghaw kiang in a hun sawl masa ahi, ti’n a gen a.

NASEPTE 6:14

Nazareth Jesu’n zia mun hi hun susia’n tin, Mosi ei piak chawndante le hun sudanglam ding ahi, a ti ka hiau hi,” a tiu a.

ROMTE 4:24

eimau â dinginle zia gual ah chun, eimau chung ah le sukdetna umthei ahi, Jesu I Lalpau thina kipat thokit chu I gin phot ua leh;

ROMTE 6:4

Ziaziakchun, a thina baptisma chang in ama tawh vui in I um un; chutichun, Pa lopina chun mithi lak ah kipat Khrista a kaithaw gual ma chun, ei hawle hinna thak ah I hintheina ding un.

ROMTE 8:11

Himaleh, mithi lak ah kipat Jesu kaithokitpa Thagau chu nangmau ah a um leh, mithi lak ah kipat Jesu kaithokitpa chun, nangmau ah um Thagau ah chun la taksau thithei chu hun hinsak kit in a.

1 KORINTH 15:12

Khrista chu thina kipat thokit ta ah gen in a um zo tangal in, bangtidan ah la lak ua khenkhat in mithi thawkitna a um puai ti thei la hiu em?

KOLOSSA 2:12

baptisma ah ama tawh vui in la um tau a; zia ma ma ah chun mithi lak ah kipat Pathian nasep ginchâk ziakin, ama tawh kigual in kaithaw la hitau hi.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.