JOHAN 2:11 - PATHIAN LEKHABU THIANGTHO (BSI)

¹¹ Zia a thilmak bawl masak pen hi, Galili gam ah Kana khua a bawl ahi; a lopina chu a hi’lang ah, a nungzuite chunle ama a gingcha tau hi.

JOHAN 2:11 ပူးပေါင်းရင်းမြစ်များ

1 LENGTE 17:24

Tichun, numeinu chun Elijah kiang in, “Tu’hin Pathian mi la hi ti leh, la kam ah um Lalpa thu chu thutak ahi ti ka he tai,” a tia.

SAM 72:19

A min lopi tak kumkhua’n pâk in um hen la; khawvel pumpi hi a lopina’n lua dim suak ta hen. Amen! Amen!

SAM 96:3

Nam tin lak ah a lopi dan puang unla, mi zosia kiang in a thilmak bawlte chu, gensawn tau in.

PAWTDAWNA THU 14:31

Aiguptate do-na a chung ua Lalpa thilbawl lopi tak chu Israelte’n a muu a. Tichun, mipite chun Lalpa chu a lau tau a; chuleh, Lalpa leh a suak Mosi chule a taksang tau hi.

PAWTDAWNA THU 4:9

Zia tepte’na teni natiang hile a taksan lo ua, la thugen a ngaisak diak lo ua leh, Nail luipi ah kipat in tui thâl dok inla, lei hul ah sungtha lechin thisan suak mai ding ahi,” a tia.

THUGENTU 9:7

Chia inla, kipak tak in la vaithum ne’n la; lim tak in la uain dawn in; la thilbawl zosia chu masanglai ah kipat khan Pathian in lem a saksa a la hita ngal a.

ISAI 40:5

Ziaphat chuleh, Lalpa lopina chu hung kilang ta’n tin, mi zosia’n zia chu hun mu chiat ta’n au, ti’n Lalpa kam in a la gen ta’ngal a.

MALAKI 2:2

Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 1:17

Mosi mang in Dan thupiak ahi’n; himaleh, hepina leh thutak chu Jesu Khrista ah chun a hung um tai.

JOHAN 1:43

A jing ah chun Jesu chu Galili lam ah chia a gua’n, Philip a mu, a kiang in, “Ei zui in,” a tia.

JOHAN 1:50

Jesu’n a dawnhu a, “Theichang bul ah ka hun mui, ka ti ziak ah nang in lei gin ahi maw? Ziate sâng ah thil lopi zaw le hun mu ding la hi.

JOHAN 10:41

Mi tam tak a kiang in a hung un, amau haw chun, “Johan in thilmak bangma bawl lo maleh, zia mi chungchâng a gen tapo kha a dik suak kêi hi,” a tiu a.

JOHAN 11:15

Nang un la taksan theina ding un, zia tak ah ka umlo chu nang uh â dingin ka kipak ahi; banghilehle, tu’hin hung un, a kiang in vachia hitiu,” a tia.

JOHAN 11:47

Ziaphatchun, thiampu lalte leh Pharisaite chun vai a hawm khawm un, “Zia pa hin thilmak tak tak a hi’ta’n, bang law ding I hitau em?

JOHAN 12:18

A thilmak bawlte a la muu ah, a het ziak tak ua hin, ama lamtua ding ah hungle ahi him ui.

JOHAN 12:37

Amau haw ma-âng in thilmak zia jatzojai chu bawl maleh ama a ging diak puau hi.

JOHAN 12:41

Zia thute hi Isai in a lopi dan a mu’n, a kiang ah thu a gen lai ah kha a la zik ahi.

JOHAN 14:13

Keima min ah thil la dot tapo uh chu hi’piak ing ka; Pa chu Chapa ziak ah chawihoi ah a umtheina dingin.

JOHAN 16:27

keima lei hepi ziak uh leh, Pa ah kipat hung ka hi dan la taksan tâk ziak un, Pa ngei chun nangmau a hun hepi hi.

JOHAN 16:30

Nang in bangma zosia la hia’n, bangma dot la ngai ta puai, ti ka he tau hi; ziaziak hin Pathian kiang ah kipat hung pawt la hi ti ka gingcha tau hi,” a tiu a.

JOHAN 2:1

Chun, ni thum ni chun, Galili gam ah Kana khua chun mo lawpna a um a; zia tak ah chun Jesu nule a um a.

JOHAN 2:23

Chiakân Kût nêk bawl sungsia Jerusalem in a um ah; zia hun sung ah chun, mi tam tak in a thilmak bawlte a mu ziak un a min chu a gingcha tau a.

JOHAN 3:2

Ama chu jan ah Jesu kiang in a hung ah, “Rabbi, nang hi Pathian ah kipat zilsakpa ding ah hung la hi ti ka hiau a; kuale ama ah Pathian umnate longal chun, zia la thilmak bawlte gual hi bawl thei pua’n au,” a hung tia.

JOHAN 4:3

Judea gam chu pawtsan ah, Galili gam lam in a chia kit ta’n.

JOHAN 4:46

Galili gam ah Kana khua, tui uain a suaksakna kha a hung tung kit a. Zia tak ah chun milian pakhat, Kapernaum khua um chu, a chapa damlo in a um a.

JOHAN 4:54

Zia hi Judea gam ah kipat a hung pawt ah, Galili gam a hung tun nung ah a thilmak bawl niveina ahi.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

JOHAN 6:14

A thilmak bawl chu a musak phatin, amau haw chun, “Jawlnei khawvel ah hung dingpa chu ama ngei hi a hita hi,” a ti tau hi.

JOHAN 6:2

Damlote chung ah thilmak a hi’te chu a la mu ziak un, mipi tam tak in ama a zui tau hi.

JOHAN 6:26

Jesu’n a dawnhu a, “Titakzet in ka hil la hiu, thilmakte la mu ziak ua ei hawl la hipuau in, vaithum la nekvâ ziak ua ei hawl la hizawu hi;

JOHAN 6:30

Amau chun a kiang in, “Aleh, nang ka hun gintheina ding un, bang tepte’na lei etsak thei diam? Bang la hi’ diam?

JOHAN 7:31

Tichun, mi tam tak in ama chu a hun gingcha tau a, Messiah chu a hung tak leh le zia pa thilmak bawl sâng ah tam zaw hi bawl diak ding a hem? a tiu a.

JOHAN 9:16

Pharisai khenkhatte chun, “Sabbath ni le khawksa lo mihing hi, Pathian ah kipat ei puai,” a tiu a. Midang khenkhat chun, “Migilo in zia gual thilmak hi bangti’n bawl ding a hem?” a tiu ah; a lak un kikhenna a hung um tai.

2 KORINTH 3:18

Ei un vang mai khu’lo in, lîmet gual in Lalpa lopina salvâk in, lopina kipat lopi zaw diak in, ama kibatpi hiding in Lalpa Thagau ah hi’danglam in I um ui.

2 KORINTH 4:17

Ka thokgimnau neucha, mit phet kâl bep ding hin, lopina nasa tak, kumtuang â ding ei siam piak ahi.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

DAN LEKHABU 5:24

ka kiang in, “En in, Lalpa ka Pathian un a lopi dan leh a nasat dan chu ei etsak ah; mei kuang lak ah kipat in a aw chu I he tau ah. Tu’ni hin Pathian in mi a kihopi inle a hing tho ui ti I he tau hi.

1 JOHAN 5:13

Kumtuang hinna la nei ui, ti la hettheina ding un, nang uh Pathian Chapa min gingte kiang in zia thute hi ka hun zik ahi.