JOHAN 19:6 - PATHIAN LEKHABU THIANGTHO (BSI)

⁶ Thiampu lalte leh hotute chun a la mu phât un, a hung kiko ua, “Kros ah khenden in! Kros ah khenden in!” a hun tiu a. Pilat chun a kiang un, “Pui unla, vakhenden tau in, keima’n vang a chung ah hin demna ding ka mu puai,” a tia.

JOHAN 19:6 ပူးပေါင်းရင်းမြစ်များ

MATTHAI 26:58

Peter chun gamla tak in a zui ah, thiampu lianpen In huang sung tiang chu a zui ah, a tawpna thu he dingin mi a vêngte lak ah, a vakichu.

MATTHAI 27:22

Pilat chun a kiang un, “Jesu, Messiah kiti hi bang ka law ta diam?” a tia. A leng un a kiko ua, “Ama chu kros ah khenden in,” a hun tiu a.

MATTHAI 27:24

Pilat in bangma hi’thei a nei ta puai, hung buai zaw deu deu ding ahi ti a het phat in, tui a la, mipite ma ah chun a khut a sawp a, “Zia midik thisan hin ka thiang hi; nang un la law lawu kilaw tau in,” a tia.

LUKA 23:4

Ziaphatchun, Pilat in thiampulalte leh mipite kiang ah chun, “Zia pa chung ah hin a dik lona bangma ka mu puai,” ti’n a gen a.

JOHAN 18:3

Juda chun, thiampu lalte leh Pharisaite hun sawl pawsal hon lawi khat leh miman hotute a hun pui a, thaumei tawh, meisel tawh hiam leh thal tawh a hung tau a.

JOHAN 18:31

Pilat chun a kiang un, “Nang un pui unla, nangmau dan dungzui in a chung thu hi ngaituau in,” a tia. Himaleh, Judate chun, “Keimau dan in mi thina ding vaihawm theina ka nei puau hi,” a tiu a.

JOHAN 18:38

Pilat chun a kiang in, “Thutak chu bang a hem?” a tia. Zia a gen zaw chun Judate kiang in a vapawt kit ah a kiang un, “Ama ah hin a mawna ding ka mu puai.

JOHAN 19:15

Amau haw chu a hung kiko ua, “Hi’mangthai in! Hi’mangthai in! Kros ah khenden in!” a hun tiu a. Pilat chun a kiang un, “La Lengpau hi kros ah khenden ziang ding ka hem?” a ti kit a. Thiampu lalte chun, “Kaisar longal leng dang ka nei puau hi,” a tiu a.

JOHAN 19:4

Pilat chu a hung pawtdok kit a, “Ngai un, ama demna ding bangma a um puai, ti la hetna ding un ka hun puidok ahi,” a tia.

NASEPTE 2:23

zia pa ngei, Pathian in a gêl zawsa leh a hetlawkna dungzui ah la khut ua piakdaw ah um chu nanghaw’n dan pawlam ah umte khut in kros ah khenden in, la that tau a.

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.