JOHAN 19:38 - PATHIAN LEKHABU THIANGTHO (BSI)

³⁸ Ziazaw chun, Arimathia khua mi pakhat Joseph kiti, ama chu Judate a lau ziak ah a gûk ah a la pang sek, Jesu nungzui ahi’n; ama chun Jesu luang chu lâkdaw dingin Pilat kiang in a vadon a. Pilat chun phalna a la pia; tichun, a hung ah, Jesu luang chu a hung ladok tai.

JOHAN 19:38 ပူးပေါင်းရင်းမြစ်များ

THUPILTE 29:25

Lalpa sâng ah mihing lau hi thâng kikam khum gual ahi’n, himaleh, Lalpa ah ginna ngak chu bitna ahi.

JOHAN 12:42

Ahi’n la, thuneite lak ah le mi tam tak in ama chu a hun ging tau a; himaleh, kikhopna In ah kipat nawdaw a um khak diu a lau ziak un, Pharisaite ziakin langchang tak in a kipuang ngam puau hi.

JOHAN 7:13

Himaleh, Judate a lau ziak un, kuama’n phuang tak in bangma a gen ngam puau.

JOHAN 9:22

A nu leh pa chun Judate chu a lau ziak uh ahi’n; Judate chun, “Kua’nle Jesu chu Messiah ahi, a tiu leh kikhopna In ah kipat nawdaw ding,” a tisau ahi ziakin.

NASEPTE 13:29

A chung thu a la kiziksa zosia a hun sukbukim phat un, thing ah kipat chun a lathau ah, thân pakhat in a vui tau hi.

PHILIPPI 1:14

chuleh, ka kolbunate ziakin unaute lak ah tam tak in, Lalpa muanna nei zaw diak in, Pathian thu gen dingin nasa zaw diak ah suk-hansan leh launa neilo a hung hitau hi.