JOHAN 19:30 - PATHIAN LEKHABU THIANGTHO (BSI)

³⁰ Jesu’n uain thûk chu a dawn zaw in, “A kichai tai,” a hun tia. Tichun, a lu a khûn ah, a thagau a thâ tai.

JOHAN 19:30 ပူးပေါင်းရင်းမြစ်များ

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

SAM 22:15

Ka kam hi bêlhal gual in a keugawp ta’n, ka lei le ka khadang in a bek den ta’n; thi’na leivui lak in lei lupsak ta ahi.

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

ISAI 53:12

Ziaziakchun, miliante chantum chu pia’ng ka tin, gâlhatte tawh a gâl lâk thilte chu kihawm ta’n au; ama’n a hinkhua thi phal in a la kipedok ta’n, thil bawlkhialte lak ah simkhawm in a la um ta’ngâl a; mi tam takte gitlona chu pua’n, migilote â ding ah dot piak in a pang nalai sêt hi.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

DANIAL 9:26

Hapta sawmguk leh ni zaw leh sathaunu’ ah um chu pai thâk in um intin, bangma nei ta pua’n a; chuleh, a hung ding lal sepaite chun khawpi leh mun thiangtho chu susia’n au. A tawpna tuisânglet gual hi’ntin, a tawpna dingin kido’na hung um in a. Siatna huaisia tung ding chu guatsa ahi tai.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

MATTHAI 27:50

Jesu chu aw ngai tak in a hung kiko kit ah, a thagau a tha tai.

MATTHAI 3:15

Himaleh, Jesu’n a kiang in, “Tu’hin ei chansak mai in, zia gual ah dikna dan zosia sukbukim hi I bawl dingin a kilawm hi,” ti’n a dawnhu a; tichun lem a sa tai.

MARKA 15:37

Chuleh, Jesu chu aw ngai tak in a kiko a, a thagau a tha tai.

LUKA 22:37

Ka hil la hiu, ka chungchâng thu ah kizik: Ama chu migilote lak ah simkhawm ahi, ti thu kha; zia gual ah ka chung thu ah kigente kha guitung kim ding ahi tai,” a tia.

LUKA 23:46

Zia hun ah chun Jesu chu aw ngai tak in a hung kiko a, “He Pa, la khut in ka thagau ka hun vopsak hi,” a tia. Zia chu a gen zaw in a thagau a tha tai.

JOHAN 10:11

Kei belampu pha chu ka hi; belampu pha chun a belamte â dingin a hinna a piai.

JOHAN 10:18

Kuama’n ei lâkpiak pua’n a, keima thu thu ka piak jawk ding ahi. Pia thei ka hi’n, la kitthei le ka hi. Zia thupiak hi ka Pa ah kipat ka mu ahi, a tia.

JOHAN 17:4

Nang in na sep ding ah lei piak kha ka sêm zo ta’n, khawvel ah hin nangma ka chawihoi tai.

JOHAN 19:28

Jesu’n thil bangkim a bukim tai ti a het phat in, (Pathian Lekha thu guitunna ding in,) “Ka dang a châk hi!” a hun tia.

JOHAN 4:34

Jesu’n a kiang un, “Ei sawlpa dawi gual bawl leh, a na sep zaw hi ka an ahi.

ROMTE 10:4

Kuale a ging tapo chun Pathian dikna chu a chan theina ding un, Khrista chu dan suktawpna a hung hita ahi.

ROMTE 3:25

a thisan ziak ah thupha choina hiding leh ginna chang dingin, Pathian in a guat a. Pathian in a dikna latsakna dingin, a dawtheina ziak ah nidang lai gitlonate a kihiat losak ziakin,

1 KORINTH 5:7

Thawipanglo changbuang kimêktang thak la hung hitheina ding un, thawi lui chu zendok tau in. I Chiakân kûtnau Khrista chu eimau â ding ah lat zaw ahi tangal a.

PHILIPPI 2:8

mihing gual ah hung piang in, ama leh ama a hung kingaitawm ah, thi tiang ah thu jawm in a hung um a, kros ah a thina ngei chu.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

HEBRAITE 9:22

Dan dungzui in bangkim hi thisan ah sukthian thei ahi’n, thisan pawt lo in ngaidamna a um puai.