JOHAN 19:17 - PATHIAN LEKHABU THIANGTHO (BSI)

¹⁷ Ama kros ding kiput kawm in, Lugu Mun, Hebrai pau ah Golgotha a ti’na mun lam ua chun a pui tau a.

JOHAN 19:17 ပူးပေါင်းရင်းမြစ်များ

THILSIAM THU 22:6

Abraham chun hâlmang thillatna matchâk ding thing chu a la’n, a chapa Isak chu a putsak ah; ama chun mei tawh chemcha chawi in, a kiton pek tau a.

1 LENGTE 21:13

Mi lepchia pani chu a hung ua, a âng zawn in a kichuu ah; chuleh, mipite âng ah chun mi lepchiate chun ama mawsak in thu a hun gen tau a: “Naboth in Pathian leh Lengpa gensia ahi,” a tiu a. Tichun, ama chu khawpi pawlam in a puidok ua, suang in a seplum tau hi.

THIAMPUTE LEKHABU 24:14

“Hânsia ei lawkhumpa chu giamun pawlam ah puidok unla; a thu hetpi zosia chun a luchung in a khut uh nga chiat uh hen la, mipite chun ama chu suang in seplum uh hen.

MATTHAI 10:38

Kuale a kros kiput ah ei zuilo chu ka mi hi tâk ahi puai.

MATTHAI 16:24

Jesu’n a nungzuite kiang in, Kua’n le ei zui a nop leh ama kihemil in, ama kros kiput in ei zui hen.

MATTHAI 27:37

chuleh, a luchung ah chun a hêknau lekha, “ZIA HI JESU, JUDATE LALPA ahi,” ti hi a kitâk hi.

MARKA 10:21

Jesu’n ama chu a en ah, a hepi ma ma ah, a kiang in, “Hi’ding pakhat la nei nalai hi; chia inla, la nei zosia vazuak inla, gentheite kiang in pia’n; tichun, van ah go nei in la tin; chuleh, hung inla, ei zui in,” a tia.

MARKA 15:26

A chung ah chun ama a hêknau lekha a tâk un, “Judate Lengpa” ti in.

MARKA 15:32

Israelte Lengpa Messiah chu ka het ua, ka gintheina ding un, kros ah kipat chun hung kum ziang ta’n la,” a tiu a. A kiang ah kikhendente chunle a engho tau a.

MARKA 8:34

Tichun, mipite leh a nungzuite chu a ko khawm ah, a kiang un, “Kua’nle ka nung a zui nop chun, ama kihemil in, ama kros kiput in ei zui hen.

LUKA 14:27

Kuale ama kros kiput ah ei zui lo chu ka nungzui hithei pua’n au.

LUKA 23:26

Jesu chu a puidok tau a. Kurini khaw mi, Simon a tiu chu a gam lam ah kipat hung chu a man ua, kros chu a puaksak ua, Jesu nung a zuisak tau a.

LUKA 23:33

Lugu Mun a tiu chu a tun phat un, zia tak ah chun Jesu chu migilo tualthat pani, a changlam ah pakhat, a veilam ah pakhat chu tawh kros in a khenden tau hi.

LUKA 23:38

A chung ah lekha kizik a tâk un, “ZIA HI JUDATE LENGPA ahi,” ti in.

LUKA 9:23

Ama chun a leng ua kiang in, “Kua’nle ei zui a nop chun, ama leh ama kihemil in, nisi’n ama kros kiput in ei zui hen.

JOHAN 19:13

Pilat chun zia thute chu a het phat in, Jesu chu a puidok ah; a min Suang Kizim, Hebrai pau ah Gabbatha a tiu ah chun, vaihawmte chutpha’n a kichu ta’n.

JOHAN 5:2

Jerusalem ah Belam Kotkhak kiang ah chun dil pakhat a um a, zia chu Hebrai pau in Beth-zatha a tiu ah, hulliap panga a nei hi.

NASEPTE 7:58

Tichun, khawpi pawlam in a kaidok ua, suang in a sep tau a; thuhiatpite chun a puanâkteu chu tangval pakhat Saul kiti kengbul ah chun a hun koi un.