JOHAN 18:8 - PATHIAN LEKHABU THIANGTHO (BSI)

⁸ Jesu’n a dawnhu a, “Keima hi ka hi, ti ka hun hil ta kha lam; keima ei hawl ah hung la hiu leh ziate hi chia mang sak phot un,” a tia.

JOHAN 18:8 ပူးပေါင်းရင်းမြစ်များ

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

MATTHAI 26:56

Himaleh, Pathian lekha thu, jawlneite’n a gen haw kha a guitunna ding in zia thilte hi tung ahi, a tia. Nungzuite zosia khan a taisan ua, a jam mang tau hi.

JOHAN 10:28

Chuleh, a kiang un kumtuang hinna ka pia’n, bangtik chan inle mangthai pua’n au. Kuama’n ka khut ah kipat ei lâkpiak pua’n au.

JOHAN 13:1

Chiakân Kût ma deu ah chun, Jesu’n zia khawvel hi nusia ah, Pa kiang ah a chia hun tung ding ahi tai ti a hia’n. Ama mi, khawvel ah um, a hepi sekte chu a tawp tiang in a hepi zing a.

JOHAN 13:36

Simon Peter chun a kiang in, “Lalpa, khoi ah chia ding la hem?” a tia. Jesu’n a dawnhu a, “Ka chiana ding ah hin tu’hin ei zui thei pua’n la tin; ahi’n, chomkhat zaw tak leh ei hun zui kit thei ta’n la,” a tia.

JOHAN 16:32

A hun a hung tung tai, tu’ ma ma hin a hung tung tai, nangmau In lam chiat in ei nusia in la tiu in, keima ngen in ei nusia ding la hiu. Himaleh, kei ngen ka hi puai, Pa chun ei umpi zing hi.

JOHAN 18:7

Ziazaw chun, ama’n a dong kit a, “Kua hawl la hiu em?” a tia. Amau chun, “Nazareth Jesu,” a hun ti kit ua.

JOHAN 18:9

“Nang in lei piakte lak ah pakhat chale ka mansua puai,” tia a gen kha a guitunna ding in.

1 KORINTH 10:13

Mitin chung ah patepna vântâng tilo la chung un patepna a tung kha puai. Pathian chu a ginum in, la zaw khêl uh chetna la chung un tunsak pua’n a; la thokzawna ding un chetna tawh kigual in taidawna lampi hun bawl piak in a.

2 KORINTH 12:9

himaleh, ama’n ka kiang in, “Ka hepina nang â di’n a hun hi, ka thilhitheina hi hâtlona sukbukim ah um sek ahi,” a ti’n. Ziaziakchun, Khrista thilhitheina chu ka chung ah a um theina dingin, kipak tak in ka hatlonate hi suang zaw ta’ng ka.

EPHESA 5:25

Pawsalte haw, Khrista’n a kochuam a hepi ah, a thasâng ah a kipiakdaw gual in, nang unle la jiteu hepiu in;

1 PETER 5:7

La lungkhamnau zosia ama chung ah septhau in, ama’n la khan khua ding uh a gêl nai.