JOHAN 18:38 - PATHIAN LEKHABU THIANGTHO (BSI)

³⁸ Pilat chun a kiang in, “Thutak chu bang a hem?” a tia. Zia a gen zaw chun Judate kiang in a vapawt kit ah a kiang un, “Ama ah hin a mawna ding ka mu puai.

JOHAN 18:38 ပူးပေါင်းရင်းမြစ်များ

MATTHAI 27:24

Pilat in bangma hi’thei a nei ta puai, hung buai zaw deu deu ding ahi ti a het phat in, tui a la, mipite ma ah chun a khut a sawp a, “Zia midik thisan hin ka thiang hi; nang un la law lawu kilaw tau in,” a tia.

MARKA 15:14

Ziaphatchun, Pilat in, “Bangatia hem? Bang a hi’khial ah a hem?” a tia. Amau chu a khawk zaw diak in a hung kiko ua, “Ama chu kros ah khenden in,” a tiu a.

LUKA 23:4

Ziaphatchun, Pilat in thiampulalte leh mipite kiang ah chun, “Zia pa chung ah hin a dik lona bangma ka mu puai,” ti’n a gen a.

JOHAN 18:33

Ziaphatchun, Pilat chu vaihawmna Inpi’n a lut kit a, Jesu chu a ko ah, a kiang in, “Judate Lengpa la hi em?” a tia.

JOHAN 19:4

Pilat chu a hung pawtdok kit a, “Ngai un, ama demna ding bangma a um puai, ti la hetna ding un ka hun puidok ahi,” a tia.

JOHAN 19:6

Thiampu lalte leh hotute chun a la mu phât un, a hung kiko ua, “Kros ah khenden in! Kros ah khenden in!” a hun tiu a. Pilat chun a kiang un, “Pui unla, vakhenden tau in, keima’n vang a chung ah hin demna ding ka mu puai,” a tia.

NASEPTE 17:32

Mithite thawkitna thu a gen khâk phat ah chun, khenkhat chun a nuisan un; midangte chun, “Zia gual thu chu ngaithâk kit ka nuam ui,” a tiu a.

1 PETER 1:19

belamno dem kâilo leh buak kâilo gual ah, Khrista thisan lûl ah tat la hiu, ti la he ngal un.