JOHAN 18:37 - PATHIAN LEKHABU THIANGTHO (BSI)

³⁷ Pilat chun a kiang in, “Aleh, leng la hi chu maw?” a tia. Jesu’n, “Leng ka hi chu nang inle la gen ta chulam. Thutak hiatsak ding leh zia thil ziak tak ah hin khawvel ah hung ka hi. Kuale mi thutak tapo chun ka aw a ngaithau hi,” a tia.

JOHAN 18:37 ပူးပေါင်းရင်းမြစ်များ

ISAI 55:4

Ngai un, ama chu mipite â ding ah hiatpitu ding leh, mipite chung ah puitu leh thupetu hiding in, hun siam ding ka hi.

MATTHAI 26:64

Jesu’n a kiang in, “La hi, lei ti chu lam. Banghitaleh, ka hil la hiu, Tu’kipat hin Mihing Chapa hi, Bangkim Hi’theipa changlam ah kichu leh, van sûm lak ah hung suk hun mu’n lau,” a tia.

MATTHAI 27:11

Jesu chu gam ukpa ma-âng in a ding ah, gam ukpa chun, “Judate Lengpa la hi em?” ti’n a dong a. Jesu chun, “La hi lei ti chu lam,” a tia.

MARKA 14:62

Jesu chun: “Ka hi. Dan tak leh Mihing Chapa hi, thil hitheipa khut changlam ah kichu, van sûmpi ah hung suk, hun mu ding la hiu,” a tia.

MARKA 15:2

Pilat chun, “Nang hi Judate Lengpa chu la hi em?” ti’n a dong a. Ama chun, “Ahi lei ti hilo a hem,” a tia.

LUKA 22:70

A leng un, “Pathian Chapa la hi chu la maw?” a tiu a. Ama chun, “Ahi lei tiu hilo a hem?” a tia.

LUKA 23:3

Pilat in thu a hun dong a, “Nang hi Judate Lengpa la hi em?” a tia. Ama chun, “Nang in la ti chulam,” a tia.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 1:17

Mosi mang in Dan thupiak ahi’n; himaleh, hepina leh thutak chu Jesu Khrista ah chun a hung um tai.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 3:32

A mu leh a het taphot a hiatsak ah, a thu hiatsak chu kuama’n a pom puau hi.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.

JOHAN 8:14

Jesu’n a dawnhu, a kiang un, “Keima leh keima kigen hiziang lengle, ka thugen hi a dik hi; khoi ah kipat hung ka hi ka kihia hen, khoi ah chia ding ka hile ka kihiai; nang un vang khoi ah kipat hung ka hi la gen thei puau in, ka chiana dingle la gen thei diak puau hi.

JOHAN 8:45

Himaleh, thu tak ka gen ziakin lei gingcha puau hi.

JOHAN 8:46

Migilo ka hi’na genchian thei la um awm? Thu tak gen ka hileh bangatia ei gingcha lo la hiu em?

JOHAN 8:47

Pathian ah kipat hungte chun Pathian thute a ngai sek ui. Nanghaw hi Pathian ah mi la hilo ziak un, a thute le ngailo la hiu hi,” a tia.

1 TIMOTHI 6:13

Pathian, thil bangkim hinna pepa leh Khrista Jesu, Pontia Pilat ma ah puandawna pha puangpa âng in thu ka hun pia ahi:

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

1 JOHAN 2:21

Thutak la het lo ziak ua ka hun zik a hipua’n, la het ziak uh leh thutak ah chun juau a um puai ti la het ziak un ka hun zik ahi zawi.

1 JOHAN 3:14

I kihepitua ziak ua hin, thina kipat hinna I gâl kâi tau hi ti I hiau hi. Kuale hepina neilo chu thina um zing ahi.

1 JOHAN 3:19

Chuleh, I lungthim un thiamlo ei chan phat leh le, thu tak ah um I hi’dan leh, a ma-âng ah le lauthawnglo ah ei umsak thei ziakin, eimau I kihechian thei sek uh ahi;

1 JOHAN 4:6

Ei uh vang, Pathian ah kipat I hiu hi. Pathian he taphot chun I gen uh a ngai un, Pathian ah kipat hilote chun I gen uh a ngai nuam puau hi. Zia hin Thagau dik leh thagau dik lo chu I hekhen thei ui.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi: