JOHAN 18:33 - PATHIAN LEKHABU THIANGTHO (BSI)

³³ Ziaphatchun, Pilat chu vaihawmna Inpi’n a lut kit a, Jesu chu a ko ah, a kiang in, “Judate Lengpa la hi em?” a tia.

JOHAN 18:33 ပူးပေါင်းရင်းမြစ်များ

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

ZEPHANIAH 3:15

Lalpa‘n la chung ah demna zosia a lamang ta’n, la mêlmate a del mang zo tai. Israelte lal, Lalpa chu la lak un a um hi; thil phalo hung tung ding lau nei ta pua’n la.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 27:11

Jesu chu gam ukpa ma-âng in a ding ah, gam ukpa chun, “Judate Lengpa la hi em?” ti’n a dong a. Jesu chun, “La hi lei ti chu lam,” a tia.

MATTHAI 27:27

Chun, gam ukpa sepaite chun Jesu chu gam ukpa In ah a puilût ua, zia tak ah chun sepai pawl zosia le a hung kikhawm tau a.

MARKA 15:2

Pilat chun, “Nang hi Judate Lengpa chu la hi em?” ti’n a dong a. Ama chun, “Ahi lei ti hilo a hem,” a tia.

LUKA 23:2

Tichun, ama hêkna thu a gen pan tau a: “Zia pa hin, Messiah, Leng ka hi, a ti hen; Lengpa kiang ah sia choi ding a zada hen, ka nam uh a pui siai,” a tiu a.

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

JOHAN 12:13

Tichun, tûmbâkte a lau ah, Jesu lamtua dingin a chiau ah, a hung kiko ua: “Hosanna! Lalpa min ah hung, Israelte Lengpa chu a hampha na e!” a tiu a.

JOHAN 12:15

“Lau kin, Zion chanu! En in la Lal chu, sabiltungno chung ah chuang in a hung hi,” ti kizik gual khan.

JOHAN 18:34

Jesu’n a dawnhu a, “Zia lei dot chu nangma thu lei dot a hem; ahiloleh, midang in a hun hil ziak ua lei dot a hem?” a tia.

JOHAN 18:37

Pilat chun a kiang in, “Aleh, leng la hi chu maw?” a tia. Jesu’n, “Leng ka hi chu nang inle la gen ta chulam. Thutak hiatsak ding leh zia thil ziak tak ah hin khawvel ah hung ka hi. Kuale mi thutak tapo chun ka aw a ngaithau hi,” a tia.

JOHAN 18:38

Pilat chun a kiang in, “Thutak chu bang a hem?” a tia. Zia a gen zaw chun Judate kiang in a vapawt kit ah a kiang un, “Ama ah hin a mawna ding ka mu puai.

JOHAN 19:12

Zia kipat chun Pilat in ama a thâdaw theina ding lampi a ngaitua ah; himaleh, Judate chu a hung kiko ua, “Zia pa hi la thâdaw him him chun Kaisar gualpa hilo ding la hi. Leng ah kisiam taphot chu Kaisar dodâl ahi,” a hun tiu a.

JOHAN 19:3

A enghona’n, “Judate Lengpa chibai,” ti kawm in a bêng sek un.

JOHAN 19:4

Pilat chu a hung pawtdok kit a, “Ngai un, ama demna ding bangma a um puai, ti la hetna ding un ka hun puidok ahi,” a tia.

JOHAN 19:9

A vaihawmna Inpi chun a lut kit a, Jesu kiang ah chun, “Khoi ah kipat mi la hem?” ti’n a dong a. Ahi’n, Jesu’n a dawnhu puai.

1 TIMOTHI 6:13

Pathian, thil bangkim hinna pepa leh Khrista Jesu, Pontia Pilat ma ah puandawna pha puangpa âng in thu ka hun pia ahi: