JOHAN 18:32 - PATHIAN LEKHABU THIANGTHO (BSI)

³² Zia hi Jesu’n a thidan ding a la gen kha a guitunna ding ahi.

JOHAN 18:32 ပူးပေါင်းရင်းမြစ်များ

SAM 22:16

Uichate’n ei ûm kîmvêl un; thil phalo bawlte’n ei ûm chak ui. Ka khut leh kengte a kilden un;

MATTHAI 20:19

Chuleh, nuisan ding leh jep ding leh kros ah khetden dingin, Jentelte khut in pia’n tiu in; himaleh, a ni thum ni leh tho kit ding ahi, a tia.

MATTHAI 26:2

ni ni zaw leh Chiakân Kût um ding ahi ti la hiau a, zia tak chuleh, Mihing Chapa hi khetden ding ah mat hung hiding ahi tai, a tia.

MARKA 10:33

“Ngai un, tu’hin Jerusalem ah chia to ding I hiu; Mihing Chapa hi thiampu lalte leh lekhazikte khut ah matsak in um intin, thi dingin a chung thu tan piak in au; ziazaw chuleh, Jentelte khut ah pedok ding a hiu;

JOHAN 10:31

Ziaphatchun, Judate chun ama se ding gua’n suang a hun lau a.

JOHAN 10:33

Judate chun, “La nasep phat ziak ah hun se gua ka hi puau in, mihing hingal ah Pathian in la kisiam ah, Pathian la gensiat ziakin ahi zawi,” a tiu a.

JOHAN 13:18

La leng ua thu ka gen ei puai, ka têlte chu ka hia’i; ahiziak in, ‘Ka vaithum nepa’n ka chung ah a keng khawtal a lâm tai,’ ti Pathian Lekha thu’n a gen kha a guitun theina ding ahi.

JOHAN 18:31

Pilat chun a kiang un, “Nang un pui unla, nangmau dan dungzui in a chung thu hi ngaituau in,” a tia. Himaleh, Judate chun, “Keimau dan in mi thina ding vaihawm theina ka nei puau hi,” a tiu a.

JOHAN 21:19

(Zia thu chu, ama bang gual ah thi’n Pathian a chawisâng diam ti a genna ahi.) Zia chu a gen zaw in, “Ei zui in,” a tia.

JOHAN 3:14

Mosi’n gamthip ah sumgul a khaikâng gual khan, Mihing Chapa hile khaikâng ah um intin.

JOHAN 8:28

Tichun, Jesu’n a kiang un, “Mihing Chapa hi la hun khaikâng tak ua leh, kei hi ama chu ka hi ti hun he ta’n la tiu in; chuleh, keima thu bangma ka bawl lo dan leh, Pa’n ei thupiakte bep bawl sek ka hi dan hi hun hechian ta’n lau.

NASEPTE 7:59

Stephen chu suang ah a se’lai un, a pauchap ah, “Lalpa Jesu, ka thagau pui ta’n,” ti in.

GALATIA 3:13

Khrista chu I thasang un hânsedawl a hung hi’n, dan hânsia lak ah kipat chun ei tandok tai: “Thing ah khaikâng ah um tapo chu hânsia dong a hi,” ti zik ahi ngal a.

DAN LEKHABU 21:23

a luang chu thinglêk ah jankhua’n la koiden lo ding uh ahi; khailup ahi ni ma ma ah chun vui ding ahi, thing ah khailup ah um taphot chu Pathian hânsia dong ahi ngal ah. La lua ding ua Lalpa la Pathian un a hun piakna gam chu la hi’buak lo ding uh ahi.