JOHAN 18:28 - PATHIAN LEKHABU THIANGTHO (BSI)

²⁸ Jesu chu Kaiapha In ah kipat in, vaihawmna Inpi lam in a pui tau a. Zia chu jingkhang ahi nalai a. Amau haw chun, Chiakân Kût an nêk theina ding ah kisukbuak khâk ding uh a kivên ziak un, zia vaihawmna Inpi sung ah chun a valût puau hi.

JOHAN 18:28 ပူးပေါင်းရင်းမြစ်များ

SAM 35:16

daidawpna pang lo hial in nuizatbûk in ei mang un, ei huatnau ziak un a hau ei gawi khum ui.

THUPILTE 1:16

thil phalo bawlna dingin a kengteu a jang in, thisan sua nuam in a kinaw sek ui.

THUPILTE 4:16

Thil phalo a bawl masiau a ipmu thei ngai puau in; kua a hem khat bêk a kipalpâi sak lo uh chun, a ipmu thei ngai puau hi.

EZEKIEL 45:21

Tha khatna, a ni sawm leh li tin ni leh, chiakân kût la bawl diu ahi; zia hun ni sagi sung chun thawipanglo vaithum bep la nêk diu ahi.

MIKAH 2:1

A khum laijawl ua thil phalo suangtuate leh, thil phalo ngaituate chung a gik na e! Jalkhun ah a lunggêl zosiau chu phalvak phat leh, a bawl ngal sek un; bawltheina chu amau khut in a um ngal a.

MATTHAI 27:27

Chun, gam ukpa sepaite chun Jesu chu gam ukpa In ah a puilût ua, zia tak ah chun sepai pawl zosia le a hung kikhawm tau a.

MARKA 15:16

Sepaite chun Lengpa huang sung ah pui lût in (zia chu gam-ukpa chênna chu ahi;) sepai pawl zosiate chu a ko khawm tau a.

LUKA 22:66

Khua a hung vak phatin, mipi lak ah upate leh, thiampu lalte leh lekhazikte chu a hung kikhawm ua, vaihawmna mun lam in a pui tau a.

JOHAN 11:55

Judate Chiakân Kût a hung nai ta’n; mi tam tak chu a gam ua kipat in, Jerusalem ah Chiakân Kût masang ah a la kithiansak dingin a hung sau sau tau hi.

JOHAN 18:13

Zia kum ah thiampu lianpen ah pang Kaiapha a hiziak in a sungpa, Anna kiang in a pui masau a.

JOHAN 18:15

Simon Peter tawh nungzui dang pakhat chun Jesu a zui pek tau a. Zia nungzuipa chu thiampu lianpen mêlhet ahi ziakin, thiampu lianpen In huang sung tiang ah chun Jesu a zui lut a.

JOHAN 18:33

Ziaphatchun, Pilat chu vaihawmna Inpi’n a lut kit a, Jesu chu a ko ah, a kiang in, “Judate Lengpa la hi em?” a tia.

JOHAN 18:39

Himaleh, la hi’dan ngai uh dan pakhat a um hi, Chiakân Kût ni hin mi pakhat thâdaw piakna ding dan la nei ui. Zia Judate Lengpa hi hun thâdok mai leng pha la sa puau em?” a tia.

JOHAN 19:11

Jesu’n a dawnhu, “Chunglam ah kipat piak la hilo leh ka chung thu hin bangma thu nei thei pua’n la; ziaziakchun, la khut ah ei pedokpa chun gitlona a nei lian zawi,” a tia.

JOHAN 19:14

Zia ni chu Chiakân Kût kisaklawkna ni ahi’n, sun kim ding vêl ahi tai. Tichun, Judate kiang ah chun, “Zia hin la lengpau a um hi!” a hun tia.

JOHAN 19:9

A vaihawmna Inpi chun a lut kit a, Jesu kiang ah chun, “Khoi ah kipat mi la hem?” ti’n a dong a. Ahi’n, Jesu’n a dawnhu puai.

NASEPTE 10:28

a kiang un, “Juda mite’n nam dangte kiang ah chia leh, kipawl hi dan tawh kikãl ahi dan nang un la hiau ah; himaleh, kuama thianglo leh buak ahi ka ti’lona ding un, Pathian in ei hiatsak ta ahi.

NASEPTE 10:32

Joppa khua’n mi sawl inla, Simon, a min dang Peter a tiu chu hang kosak in; ama chu tuipi pâm ah savun siampa Simon In ah tung ahi,’ a ti’n.

NASEPTE 11:3

“Bang ding ah zetanlote kiang ah chia ah, a lak ua anle la vanêk a hem?” a tiu a.

NASEPTE 3:13

Abraham, Isak leh Jakob Pathian, I pu leh pateu Pathian chun a suak Jesu chu a choisa’n ahi tai; ama chu la la pedok un, Pilat in thâdaw a guat lai ah khan a ma-âng in la la kihiatlosak tau a.

NASEPTE 4:27

Zia khawpi sung ah hin, ahi, Herod tawh Pontia Pilat ngei le, Jentelte leh Israel mite chu tawh, la suak thiangtho Jesu, sathau la nu’sa chu dodâl dingin a kikhawm tau a,

DAN LEKHABU 16:2

Lalpa‘n a min chênna ding ah a têlna mun ngei ah chun, la gan hon leh bawng hon lak ua kipat in Lalpa la Pathian uh kiang ah chiakân kût kithoina ding gancha la lân sek ding uh ahi.