JOHAN 18:17 - PATHIAN LEKHABU THIANGTHO (BSI)

¹⁷ Numeinu chun Peter kiang in, “Nang le zia pa nungzuite lak ah pakhat hilo la hem?” a hun tia. Ama chun, “Ka hi puai,” a tia.

JOHAN 18:17 ပူးပေါင်းရင်းမြစ်များ

MATTHAI 26:33

Peter in a dawnhu a, midang zosia jam leule ke’n vang hun jamsan pua’ng ka, a tia.

LUKA 22:54

Tichun, ama chu a man ua a pui tau a, thiampu lianpen In ah chun a puilût tau a. Peter chun gamla tak in a zui a.

JOHAN 18:16

Peter ahileh chu kot pawlam in a ding a. Thiampu lianpen mêlhet nungzuipa chu a hung ah, kotkhak ngâknu kiang ah chun a gen piak ah, Peter a puilût tai.

JOHAN 18:25

Simon Peter in ding kawm in mei a la awi zing a. A kiang in, “Nang le a nungzuite lak ah pakhat hilo la hem?” a hun ti kit un. Himaleh, ama chu a kilep a, “Ka hi puai,” a ti kit a.

JOHAN 18:5

Amau chun, “Nazareth Jesu,” ti’n a dawnhuu a. Jesu’n a kiang un, “Keima hi ka hi,” a tia. A matsakpa Juda chule a lak un a ding a.

JOHAN 18:8

Jesu’n a dawnhu a, “Keima hi ka hi, ti ka hun hil ta kha lam; keima ei hawl ah hung la hiu leh ziate hi chia mang sak phot un,” a tia.

JOHAN 21:15

Chun, jing an a nêk zaw phat un, Jesu chun Simon Peter kiang in, “Simon, Johan chapa, nang in ziate haw sâng ah hin lei hepi zaw em?” ti’n a dong a. Ama chun a kiang in, “I, Lalpa, ka hun hepi hi ti la hia’i,” ti’n a dawnhu a. Ama chun a kiang in, “Ka belamnote vâk in,” a tia.

NASEPTE 12:13

Peter in sumkûl kotkhak a hun kiu phatin, Rhoda kiti nungak pakhat a dawnhu dingin a vachia a.