JOHAN 17:8 - PATHIAN LEKHABU THIANGTHO (BSI)

⁸ nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

JOHAN 17:8 ပူးပေါင်းရင်းမြစ်များ

THUPILTE 1:23

Ka hilna thu hi ngaisak un; ka lungthim la lak un hun gendok ing ka tin, ka thute chu hun hiatsak ing ka.

THUPILTE 1:3

felnate, thutannate, pâmpai diak nei lo ah kichian tak ah hilna pom dan thiamnate;

THUPILTE 2:1

Ka cha, ka thute la pom ah, ka thupiakte la khol khawm ah,

THUPILTE 4:10

Ka cha, ka thugen ngai inla pom in, tichun, la damsung kumte hung tam in a.

THUPILTE 8:10

Ka hilna thu hi dangka sâng in kisân unla; hetthiamna hile sana têlchuamte sâng in kitêl tau in;

MATTHAI 13:11

Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

JOHAN 12:49

Keima phuakkawm in thu ka gen puai, Pa ei sawlpa’n ka gen ding leh ka hil ding thu chu ei pia zaw ahi.

JOHAN 14:10

Keima Pa ah ka um hi ti leh, Pa chu keima ah a um hi, ti hi hechian nai lo la hem? La kiang ua thu ka gente hi keima phuak kawm ka gen a hipua’n, keima ah Pa um chun, zia na chu a hun sêm zaw ahi.

JOHAN 15:15

Tu’khêl vang suakte hun ti ta pua’ng ka, suak chun a pu thilhite a he ngai puai; gualte hun ti zaw ta’ng ka, ka Pa ah kipat ka thil hiatteu zosia ka hun hiatsak sik sek tangal in.

JOHAN 16:27

keima lei hepi ziak uh leh, Pa ah kipat hung ka hi dan la taksan tâk ziak un, Pa ngei chun nangmau a hun hepi hi.

JOHAN 16:30

Nang in bangma zosia la hia’n, bangma dot la ngai ta puai, ti ka he tau hi; ziaziak hin Pathian kiang ah kipat hung pawt la hi ti ka gingcha tau hi,” a tiu a.

JOHAN 17:14

Keima’n la thu a kiang un ka pia ta’n, keima khawvel ah mi ka hi’lo gual ma’n, amau hawle khawvel ah mi a hi’lo ziak un, khawvel in amau chu a haw tai.

JOHAN 17:18

Nang in khawvel ah lei sawl gual khan, keima’nle amau khawvel ah ka sawl hi.

JOHAN 17:21

amau hawle pumkhat ah a um theina ding un. Nang ka Pa, keima ah la um ah, keima le nangma ah ka um gual in; amau le eimau ah a um ua, khawvel in keima hi nang ei sawl ka hi ti a ginchâk theina ding un.

JOHAN 17:23

Kei amau ah, nangma keima ah la um gual in, amau pumkhat ah a hung bukim theina ding un; nang in keima khawvel ah lei sawl ahi ti leh, keima lei hepi gual ah amau le la hepi hi, ti a hettheina ding in.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

JOHAN 3:33

Kuale a thu hiatsak a la pomte chun, Pathian chu dik tak ahi, ti a sudet tau hi.

JOHAN 6:68

Simon Peter in a hun dawnhu ah, “Lalpa, kua kiang ah chia ding ka hiu em? Nang in kumtuang hinna thute chu la nei hi.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.

1 KORINTH 11:23

La kiang ua ka piaksawn kha Lalpa ah kipat ka mu ahi. Lalpa Jesu matsak ah a um ding jan ah khan vaithum a lâ,

1 KORINTH 15:1

Suapite haw, la kiang ua Chanchinpha ka hun gen tâk, la het ua la din zing nau kha ka hun gen thak kit hi;

DAN LEKHABU 18:18

Amau lak ah kipat ma ma in nangma gual hi jawlnei khat hun tungdok ing ka tin; zia jawlneipa kam ah chun ka thute koi ing ka tin, a kiang ah thu ka piak taphot chu a kiang un hil mai ta’n.

1 THESSALONITE 2:13

Ziaziak hin, chawl lo in Pathian kiang in kipak thu ka gen sek ui: Pathian thu keimau ah kipat la het uh, la pom uh khan, mihing thu gual ah hilo in, Pathian thu ahi gual tak ah la pom ziak un; zia chu nanghaw a gingte sung ah sêm sek chu ahi.

1 THESSALONITE 4:1

Chutichun, suapite haw, a tawp pen in la umdan ding uh leh Pathian la kipaksak dan ding uh, tu’ la umdan uh, keimau ah kipat la zil uh hi, la hau diakna ding un Lalpa Jesu ah chun ka ni un ka tilkhau la hiu.

1 JOHAN 4:14

Pa chun Chapa chu khawvel Hukdampa hiding in a hun sawl hi, ti ka muu ah, ka hiatsak uh ahi.

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;