JOHAN 17:4 - PATHIAN LEKHABU THIANGTHO (BSI)

⁴ Nang in na sep ding ah lei piak kha ka sêm zo ta’n, khawvel ah hin nangma ka chawihoi tai.

JOHAN 17:4 ပူးပေါင်းရင်းမြစ်များ

LUKA 22:37

Ka hil la hiu, ka chungchâng thu ah kizik: Ama chu migilote lak ah simkhawm ahi, ti thu kha; zia gual ah ka chung thu ah kigente kha guitung kim ding ahi tai,” a tia.

JOHAN 12:28

He Pa, la min hun chawisâng in, a tia. Ziaphatchun, van ah kipat in aw a hung pawt a, “Ka chawisâng tai, hun chawisâng kit ngen ing ka,” a hun tia.

JOHAN 14:13

Keima min ah thil la dot tapo uh chu hi’piak ing ka; Pa chu Chapa ziak ah chawihoi ah a umtheina dingin.

JOHAN 14:31

Himaleh, keima’n Pa chu ka hepi hi ti, khawvel in a hettheina ding un, Pa ei thupiakte gual gual in thil bangkim chu ka bawl zaw ding ahi. Kipan un, zia kipat hin pawtdok tai tiu, a tia.

JOHAN 15:10

Ka thupiakte la zop zing ua leh ka hepina’n um zing in lau; keima’n le ka Pa thupiakte ka jawm ah, a hepi ah ka um zing gual hin.

JOHAN 19:28

Jesu’n thil bangkim a bukim tai ti a het phat in, (Pathian Lekha thu guitunna ding in,) “Ka dang a châk hi!” a hun tia.

JOHAN 19:30

Jesu’n uain thûk chu a dawn zaw in, “A kichai tai,” a hun tia. Tichun, a lu a khûn ah, a thagau a thâ tai.

JOHAN 4:34

Jesu’n a kiang un, “Ei sawlpa dawi gual bawl leh, a na sep zaw hi ka an ahi.

JOHAN 5:36

Himaleh, Johan sâng ah hiatsakpa lopi zaw ka nei hi. Zia chu, Pa’n ka sep zaw ding ah ei piakte ka sep zaw hin, zia nasep ngei chun, Pa ei sawl ka hi’dan kichian tak in a hiatsak ahi.

JOHAN 9:3

Jesu’n a dawnhu, “Zia pa hin thil a hi’khial pua’n, a nu leh pa’nle a hi’khial diak puau hi: Pathian nasep ama ah a kilat theina dingin a hizawi.

NASEPTE 20:24

Himaleh, ziate chun ei hi’lungkia diak puai; ka kitaisiakna lampi ka mabâk hi, kipak tak ah zaw ngei ding leh, Pathian hepina zia chanchinpha hiatsak ding ah Lalpa Jesu kiang ah, zia nasepna na ka mu hi sêm zo phot leng, ka hinna hile thâkla tâk in ka ngai puai.

2 TIMOTHI 4:7

Kidona pha chu ka do zo ta’n, kitaisiakna chu ka mualsua ta’n, ginna chu ka vopdet zo tai.