JOHAN 17:3 - PATHIAN LEKHABU THIANGTHO (BSI)

³ Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 17:3 ပူးပေါင်းရင်းမြစ်များ

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 15:3

Israelte chu hun sawt tak Pathian dik tak nei lo in, amau thuhil ding thiampu leh dan nei lo in a la um tau a;

SAM 9:10

Chuleh, la min hete chun a hun taksang un; aw Lalpa, nang in vang a hun hawlte chu la kilepsan ngai puai.

THUPILTE 8:35

Ei mu tapo chun hinna a muu a, Lalpa doisakna le a chang sek un;

ISAI 48:16

Ei hun nai unla, zia hi he tau in! A tîl ah kipat khan a gûk in ka gen pua’n, a hung um ah kipat in ka la um tai. Chuleh, tu’hin Lalpa Pathian in, a thagau ei pia’n, ei sawl tai.

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

MARKA 9:37

“Kuale ka min ziak ah zia gual naupang pakhatle lop tapo chu keima ei lop hi’n au; kuale keima ei lop chu keima ei lop hilo in, ei sawlpa lop a hizawi,” a tia.

LUKA 9:48

“Kuale zia naupang hi ka min ah lop tapo chu keima ei lop ahi; keima ei lop chu ei sawlpa lop ahi; la lak ua a neupen chu a lopipen hung hiding ahi,” a tia.

JOHAN 10:36

Pa’n a se’chuam, khawvel ah ei sawl, ‘Pathian Chapa ka hi,’ ka ti ziakin bangatia Pathian la gensiai, ei ti’thei ding la hiu em?

JOHAN 11:42

Keima hi lei la ngaitha zing hi ti le ka hia’i; ahi’n, zia mipite, ka kiang ah dingte ziak ah hin nang in lei sawl ka hi dan a hun taksan theina ding un, zia hi ka ti ahi,” a tia.

JOHAN 14:26

Ahi’n, Genpiakpa, Thagau Thiangtho ngei chu ka min in, Pa’n hun sawl intin, ama chun thil bangkim hun hil intin, la kiang ua ka thugen zosia hi hun hetdawsak kit ding ahi.

JOHAN 17:18

Nang in khawvel ah lei sawl gual khan, keima’nle amau khawvel ah ka sawl hi.

JOHAN 17:21

amau hawle pumkhat ah a um theina ding un. Nang ka Pa, keima ah la um ah, keima le nangma ah ka um gual in; amau le eimau ah a um ua, khawvel in keima hi nang ei sawl ka hi ti a ginchâk theina ding un.

JOHAN 17:23

Kei amau ah, nangma keima ah la um gual in, amau pumkhat ah a hung bukim theina ding un; nang in keima khawvel ah lei sawl ahi ti leh, keima lei hepi gual ah amau le la hepi hi, ti a hettheina ding in.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 17:8

nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

JOHAN 5:44

Pathian bep ah pâkchâkna hawl ding ahi dan helo in, nangmau kipâkchâkna mai la hawl ua leh, bangti’n gingcha thei ding la hiu em?

JOHAN 6:57

Pa hing chun ei sawl ka hiziak in, Pa ah hing ka hi; ziaziakchun, kuale ei ne’ chu keima ah hing ding ahi.

JOHAN 7:29

Himaleh, keima’n ama chu ka hia’i; ama ah kipat ka hileh, ama’n ei sawl ka hi ti ka hia’i,” a tia.

JOHAN 8:19

Ziaphatchun, amau chun a kiang in, “La Pa chu khoi ah um a hem?” a tiu a. Jesu’n a dawnhu ah, “Nanghaw hin, keima lei hepuau in, ka Pa le la he diak puau hi. Keima ei he hileuchin, ka Pa le he ziang ding la hiu,” a tia.

1 KORINTH 15:34

Ngaituana pil leh dik tak hun nei unla, gitlo bawl ta kiu in; mi khen khat hin Pathian hetna a nei puau hi; la jachâkna ding ua ka gen ahi.

1 KORINTH 8:4

Milim hona kithoina thillat nêk thu ah chun, “Khawvel milimte hi bangma ahi puai,” ti leh, “Pathian pakhat beplo ngal chu a dang a um puai,” ti I hechiat ui.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

PHILIPPI 3:10

Chutichun, ama leh a thawkitna thilhitheina chu ka het ah, a thoknate kikoppi in, a thina ah ama ka kibatpi theina ding in;

PHILIPPI 3:8

Ahi takzet hi, ka Lalpa Khrista Jesu hetna lopi diak ziak ah chun, zia thilte zosia chu ki’dak buaksia gual in chânna in ka guat ta, Khrista ka mutheina dingin.

1 THESSALONITE 1:9

Amau ngei in, nanghaw’n lei la lop dan uh, milimte ah kipat Pathian lam ah, Pathian hing leh dik tak nasêm ding ah la kihei dan uh chu a gen tau hi.

2 THESSALONITE 1:8

Pathian helo mi leh I Lalpa Jesu chanchinpha ginglote chung ah phuba a lâk ding chu;

HEBRAITE 3:1

Ziaziakchun, suapi thiangtho, van kona chanpite haw, I thugin ua sawlchâk leh thiampu lianpen Jesu chu ngaitua tiam un.

2 PETER 1:2

Pathian leh I Lalpau Jesu Khrista hetna ah chun, la chung un hepina leh chamna hi’pun in um ta hen.

2 PETER 1:3

Ama lopina leh phatna ah ei kopa, a chanchin het ziakin Pathian thilhitheina’n hinna leh Pathian ngaisakna lam thu ah thil zosia ei pia ta ahi.

2 PETER 1:8

Ziate chu nang uh â ahi ah, la lak ua a khan zing chun, I Lalpa Jesu Khrista hetna lam in phachuam lo leh ga bei in hun koi lo ding ahi.

1 JOHAN 1:2

Zia kumtuang hinna, Pa kiang ah um leh kei uh kiang ah latsak ah um ta chu la kiang un ka tâklang tau hi:

1 JOHAN 1:3

Kei un ka musau leh ka hiatsau ma chu la kiang unle ka tâklang uh ahi: Tichun, nang unle kei uh tawh kipawl khawmna la neitheina ding un; I kipawl khawmnau chu, Pa tawh, Chapa Jesu Khrista tawh ahi.

1 JOHAN 2:23

Kuale Chapa ging lo chun Pa chu a nei puai; Chapa ging taphot chun Pa le a nei hi.

1 JOHAN 4:6

Ei uh vang, Pathian ah kipat I hiu hi. Pathian he taphot chun I gen uh a ngai un, Pathian ah kipat hilote chun I gen uh a ngai nuam puau hi. Zia hin Thagau dik leh thagau dik lo chu I hekhen thei ui.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.