JOHAN 17:26 - PATHIAN LEKHABU THIANGTHO (BSI)

²⁶ La min chu ka taklang ta’n, hun taklang jel ding ka hi; hepina, nang in keima lei hepina ngei chu amau ah a umtheina ding leh, amau ah keima le ka um zing theina dingin, a tia.

JOHAN 17:26 ပူးပေါင်းရင်းမြစ်များ

SAM 22:22

Ka suapite kiang in la min hil ing ka tin; mipi kikhawmte lak ah la min pâk ing ka.

JOHAN 14:20

Ziaphat chuleh, nang un keima Pa ah ka um leh, nangmau ah kei um ka hi’dante hi hun hechian ta’n lau.

JOHAN 14:23

Jesu’n a dawnhu ah, min keima ei hepiu chun ka thu jawm intiu in; zia tak chuleh ka Pa’n amau chu hepi in a; chuleh, a kiang un hung ing ka tiu in, amau ah chun hung chêng ding ka hiu.

JOHAN 15:15

Tu’khêl vang suakte hun ti ta pua’ng ka, suak chun a pu thilhite a he ngai puai; gualte hun ti zaw ta’ng ka, ka Pa ah kipat ka thil hiatteu zosia ka hun hiatsak sik sek tangal in.

JOHAN 15:4

Nangmau ah ka um zing gual hin, keima ah um zing un. Bâk chu a guipi tawh a kizop lo leh, ama ngawn ah a ga theilo gual hin, nangmaule keima ah la um zing lo ua leh ga thei pua’n lau.

JOHAN 15:9

Pa’n keima ei hepi gual in, ken le nanghaw ka hun hepi ahi; ka hepina’n um zing un.

JOHAN 17:23

Kei amau ah, nangma keima ah la um gual in, amau pumkhat ah a hung bukim theina ding un; nang in keima khawvel ah lei sawl ahi ti leh, keima lei hepi gual ah amau le la hepi hi, ti a hettheina ding in.

JOHAN 17:6

Khawvel ah kipat nangma’n lei piak mite kiang in la min ka hi’lang tai. Amau haw chu nang â a hiu in, nang in amau haw chu kei lei piak ahi’n; amau in la thu a zawm tau hi.

JOHAN 17:8

nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

JOHAN 6:56

Kua’nle, ka taksa hi a nêk ah ka thisan a dawn chun, keima ah chêng ahi’n, keima le ama ah chun ka um ahi.

JOHAN 8:50

Keima min phatna hawl ka hipua’n; ei hawl piak mi pakhat a um nai.

ROMTE 8:10

Khrista chu nangmau ah a um chun, taksa chu gitlo ziakin a la thi ta maleh, dikna ziakin thagau in la hung hing kit tau hi.

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

1 KORINTH 12:12

Taksa hi pumkhat ahi’n, bâk tam tak a nei hi; a bâkte chu tam maleh taksa pumkhat ahi; Khrista chu zia gual chu ahi.

GALATIA 2:20

Khrista kiang in khetden in ka um ta’n, ahi’n la, ka hing ahi; keima kha ka hita pua’n, Khrista keima ah hing ahi zawi; Pathian chapa, ei hepi ah, ka thasâng ah kipepa ginna ziak zaw’n.

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

EPHESA 3:17

chuleh, hepina ah zung kai leh kinga in, Khrista chu ginna ziak ah la lunggil sung ua a chêntheina ding in.

EPHESA 5:30

ama taksa bâkte chu I hingal un.

EPHESA 5:32

Zia hi thugûk lopi tak chu ahi; ahi’n, Khrista leh kochuam a kikâl te’khinna ka mat ahi.

KOLOSSA 1:27

Lopina hung tung ding I kinepnau leh, zia thugûk a lopi dan tak sulangpa Khrista nangmau ah a chênna thu a lopi dan tak hi, Jentelte kiang ah gen lang dingin Pathian in ei guat tai.

KOLOSSA 2:10

Ama ah chun la bukim tau a; ama chu thuneina leh thilhitheina zosia luchang ahi.

KOLOSSA 3:11

Zia chun, Grik mi leh Juda mi, zektan leh tanlo, pauchuam mite, Skuthi mite, suak leh suaklo le a um diak ta puai; Khrista chu bangkim hi jawn, bangkim in a um hi.

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

HEBRAITE 2:12

Zia gual hin a la gen a: “Ka suapite lak in la min chu, taklang ing ka tin, a kikhawmte lak ah chun La sa’n pâk ing ka,” ti in.

1 JOHAN 3:24

A thupiakte zawm zosia chu ama ah a um zing un, ama le amau ah chun a um zing hi. A Thagau ei piak ah hin ama chu eimau ah a um zing hi ti I hethei ui.