JOHAN 17:24 - PATHIAN LEKHABU THIANGTHO (BSI)

²⁴ He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

JOHAN 17:24 ပူးပေါင်းရင်းမြစ်များ

THILSIAM THU 45:13

Aigupta gam ah hin bang gual bep ah choisân ah um ka hi em ti leh, la thil mu zosiau hi ka pa hil tei tei unla. Kinawu inla, ka pa chu la hun pui suk ding uh ahi,” a ti’n.

MATTHAI 25:21

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna’n lut ta’n, a tia.

MATTHAI 25:23

A pu chun a kiang in, la bawlpha na e! Suak pha leh ginum, tawmcha chung ah la ginum ziakin, tam tak chung ah vaihawm dingin hun koi ing ka; la pu kipakna chun lut ta’n, a tia.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

MATTHAI 26:29

Ka hun hil la hiu, ka Pa gam ah nang uh tawh a thak ah ka dawn ding ni a tun masia, tu’kipat zia grep ga tui hi dawn talo ding ka hi, a tia.

LUKA 12:37

A puu a hung phat ah, kigingsa a la um zing a suakte chu mi hampha ahi nau e! Titakzet in ka hil la hiu, zia gual mi chu a kawnggâk sa’n a um in, an ne dingin a kichutsak in, a hung pawt ah, a nêk leh châk ding bawl in a um sek hi.

LUKA 23:43

Jesu’n a kiang in, “Titakzet in ka hil la hi, tu’ni hin Paradis ah ka kiang ah um ding la hi,” ti’n a dawnhu tai.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 12:26

Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

JOHAN 14:3

Chuleh, nang uh â ding ah mun ka siam leh, hung kit ing ka tin, ka kiang ah um dingin hung pui ding ka hi, ka umna nang uh le la umtheina ding un.

JOHAN 15:9

Pa’n keima ei hepi gual in, ken le nanghaw ka hun hepi ahi; ka hepina’n um zing un.

JOHAN 17:2

zia gual ah mi zosia chung ah thunei ah la siam khan, a kiang ah la piak tapote chu kumtuang hinna a piak theina ding in.

JOHAN 17:22

Ei teni pumkhat I hi gual ah amau hawle pumkhat a hi’theina ding un, nang in lopina lei piakte kha amau kiang in ka pia tai.

JOHAN 17:5

Chuleh, He Pa, tu’hin khawvel kisiam masang ah, la kiang ah nangma ngei lopina lei choisa’n gual ah khan ei chawisang kit ta’n.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

JOHAN 6:39

Zia hi ka Pa ei sawlpa doigual chu ahi, ama’n ei piak zosia chu, bangma matsua neilo in, nitawp ni leh kaitho zaw leng.

JOHAN 8:58

Jesu’n a dawnhu a, “Titakzet in ka hil la hiu, Abraham um masang khanle ka la um tai,” a tia.

1 KORINTH 13:12

Tu’hin vang, lîmet ah kichian lo in I muu in, ziaphat chuleh, kimaitua tai tiu. Tu’hin bukim lo in ka hia’n, ziaphat chuleh vang, het ah ka um gual hin bukim tak in he ta’ng ka.

2 KORINTH 3:18

Ei un vang mai khu’lo in, lîmet gual in Lalpa lopina salvâk in, lopina kipat lopi zaw diak in, ama kibatpi hiding in Lalpa Thagau ah hi’danglam in I um ui.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

2 KORINTH 5:8

Muang tak in I um un, taksa ah umlo in, Lalpa kiang in I um nuam zawu ahi.

PHILIPPI 1:23

Pawt daw ah Khrista kiang ah um chu a phat zawk ma ma ziakin, a kâl lak ah lungthim laklaw tak in ka um ahi.

1 THESSALONITE 4:17

ziazaw chuleh, ei haw hing ah umte hi, vanlai jawl ah khin Lalpa tuak dingin, amau tawh kigual in sûm chung ah lâk to in um hitiu: tichun, kumtuang in Lalpa kiang ah um tai tiu.

1 PETER 1:21

Ama jal in, mithi lak ah kipat kaithopa leh a lopina petu Pathian gingte chu la hitau ah; la ginnau leh kinepnau chu Pathian ah kinga ahi.

1 JOHAN 3:2

Doitakte haw, tu’hin chu Pathian chate I hitau hi; bang gual ah I um ding uh vang a kilang nai puai. Ama chu a hung kilat phat leh, ama chu ahi’na gual tak in mu tai tiu in, ama gual in um ding I hiu ti vang I hiau hi.

THUPUAN 21:22

A sung ah chun tempul ka mu pua’n, Lalpa Pathian Bangkim Hi’thei leh Belamno chu a tempul uh ahi tai.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.