JOHAN 17:21 - PATHIAN LEKHABU THIANGTHO (BSI)

²¹ amau hawle pumkhat ah a um theina ding un. Nang ka Pa, keima ah la um ah, keima le nangma ah ka um gual in; amau le eimau ah a um ua, khawvel in keima hi nang ei sawl ka hi ti a ginchâk theina ding un.

JOHAN 17:21 ပူးပေါင်းရင်းမြစ်များ

JEREMIAH 32:39

Amau leh a tu leh chateu tiang â ding ah thilpha a hitheina ding ah, kumkhua ei lau theina ding un, lungthim ngaituana leh tawidan kibang pia ding ka hi.

ZEPHANIAH 3:9

Ziaphat chuleh, mipite pau thiangtho in then piak ing ka tin, lungthim kithu gual ah Lalpa min chu, a hun ko ua, a na a sep khawm theina ding un.

ZEKARIAH 14:9

Chun, leilung pumpi’n Lalpa chu leng hung hita’n a; zia hun chuleh Lalpa leh a min bep chu biak hita’n a.

MARKA 3:24

Gam pakhat chu amau leh amau kido leu, zia gam chu dingdok thei pua’n tin;

JOHAN 10:16

Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

JOHAN 10:30

Kei leh ka Pa chu pumkhat ka hiu,” ti’n a dawnhu a.

JOHAN 10:38

Ahi’n la, ka sep ahi chun, kei ei taksang lo maleu chinle, thil kibawlte bêk hi taksang un; Pa keima ah um ti leh, keima Pa ah ka um ti la het ua, la taksan theina ding un,” a tia.

JOHAN 11:42

Keima hi lei la ngaitha zing hi ti le ka hia’i; ahi’n, zia mipite, ka kiang ah dingte ziak ah hin nang in lei sawl ka hi dan a hun taksan theina ding un, zia hi ka ti ahi,” a tia.

JOHAN 13:32

Ama ah Pathian choihoi ah a um chun, Pathian in ama chule chawihoi ngal in a.

JOHAN 13:35

La kihepiu chun mi zosia’n ka nungzuite la hiu ti hun hethei ta’n au,” a tia.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

JOHAN 17:18

Nang in khawvel ah lei sawl gual khan, keima’nle amau khawvel ah ka sawl hi.

JOHAN 17:20

Ziate â ding bep hin ka don puai, amau haw thugen ziak ah keima ei hun ging dingte â dinginle ka pauchap hi;

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 17:8

nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

NASEPTE 2:46

Nisi’n in tempul ah hun a mat khawm sek ziak un, a In un vaithum a phel sek ua, a anteu chu lungthim kipak leh huangphal tak in a ne sek ui.

NASEPTE 4:32

A gingte zosia chu lungthim leh ngaituana munkhat in a um un; a lak ua kuama’n a thil neiteu chu, kei â chuam ahi tilo in, a thil nei zosiau a kikop sek ui.

ROMTE 12:5

zia gual ah chun eihaw hile Khrista ah taksa pumkhat ah um in, I chang chiat un, bâkte lak ah pang I hi chiat ui.

1 KORINTH 1:10

Tu’hin, unaute haw, la leng ua thu kibang gen ah, kikhen lo ah, lungthim leh ngaituana mun khat ah la kizopna ding un, Lalpa Jesu min in ka ni la hiu.

1 KORINTH 12:12

Taksa hi pumkhat ahi’n, bâk tam tak a nei hi; a bâkte chu tam maleh taksa pumkhat ahi; Khrista chu zia gual chu ahi.

1 KORINTH 6:17

Ahi’n, kuale Lalpa tawh kizom chu ama tawh thagau pakhat ah hing khawm a hiu.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

PHILIPPI 1:27

Banghitaleh, la umdan uh chu Khrista chanchinpha tawh kituak sak phot tau in; ka hung ah nang uh hung mu a hem, ahiloleh, ka umlo lai ah le thagau munkhat ah la dindet dan uh leh, lungthim munkhat nei ah chanchinpha ginna la pan dan uh chanchin ka hettheina ding in.

1 JOHAN 1:3

Kei un ka musau leh ka hiatsau ma chu la kiang unle ka tâklang uh ahi: Tichun, nang unle kei uh tawh kipawl khawmna la neitheina ding un; I kipawl khawmnau chu, Pa tawh, Chapa Jesu Khrista tawh ahi.

1 JOHAN 5:7

Hiatsaktu pathum a um hi: